ផ្ទុះការចាប់អារម្មណ៍ជាថ្មី កាបូបម៉ាក Louis Vuitton ដែលធ្វើរូបរាងជាយន្តហោះ បានកំពុងល្បីល្បាញក្នុងទីផ្សារអីវ៉ាន់មួយទឹក។ ការដែលសំខាន់ តម្លៃវាហាក់មិនសូវប្រែប្រួល ពោលនៅខ្ទង់ម៉ឺនដុល្លារក្បែរតម្លៃដើម។
កាបូបម៉ូដយន្តហោះនេះ ត្រូវបានឌីហ្សាញដោយអ្នកច្នៃម៉ូដជនជាតិអាមេរិក លោក Virgil Abloh (មរណភាព) សម្រាប់ការបញ្ចេញខូឡិកហ្សិនសម្លៀកបំពាក់បុរសរដូវត្រជាក់ Fall/Winter 2021 ដែលតម្លៃដើម ៣៩០០០ ដុល្លារ។ វាធ្វើឡើងពីស្បែកប្រណីតលំដាប់ខ្ពស់ ចំណែករូបរាងដកស្រង់ពីយន្តហោះ Boeing 747។
បើតាមរបាយការណ៍នៅលើទីផ្សារ ថ្វីបើកាបូបនេះចេញយូរឆ្នាំ ប៉ុន្តែអ្នកចង់បានវា ក៏នៅតែអាចរកទិញបាននៅលើទីផ្សារមួយទឹក ដែលតម្លៃក្រោម ៤ ម៉ឺនដុល្លារ ជួនតម្លៃដើម ជួនតម្លៃក្បែរតម្លៃដើមទៅតាមការដាក់លក់។ ការរក្សានៅតម្លៃខ្ពស់ ដោយហេតុវាត្រូវបានឱ្យតម្លៃទៅលើប្រណីតភាព សិល្បៈ និង ប្រជាប្រិយភាពនៅក្នុងឧស្សាហកម្មហ្វេហ្សិនលំដាប់ខ្ពស់។
ទោះអ្នកច្នៃម៉ូដ លោក Virgil Abloh បានលាចាកលោកទៅហើយ ប៉ុន្តែស្នាដៃមួយនេះ បានបរិយាយនូវភាពលេចធ្លោរបស់លោក ចំពោះការធ្វើដំណើរ ឋានៈ និង សិល្បៈនៃការរចនា ដែលក្លាយជាស្នាដៃដ៏ល្បីល្បាញបំផុតមួយមុនពេលលោកទទួលមរណភាព៕
ប្រភព៖ IG
