ពិតណាស់ និយាយពីបវរកញ្ញាវ័យក្មេងដ៏មានសក្កានុពល ជូរី ល្អហួស Miss Preteen Cambodia 2023 និង ជាម្ចាស់មកុដអន្តរជាតិ Miss Preteen Junior Idol World 2024 ខណៈទទួលបានជោគជ័យលើវិស័យបវរកញ្ញានេះមួយកម្រិត កន្លងទៅនាងក៏ធ្លាប់បង្ហាញពីក្ដីស្រមៃថ្មីបន្ទាប់ពីផ្ទេរមកុដ ដែលប្រកាសក្នុងកិច្ចសម្ភាសមួយត្រៀមខ្លួនចូលរួមប្រកួតបវរកញ្ញាម្ដងទៀតក្នុងកម្មវិធីបវរកញ្ញាវ័យក្មេងណាមួយក្នុងឆ្នាំ ២០២៥ ដោយមិនបានរងចាំគ្រប់អាយុចូលប្រកួត Miss Universe Cambodia ឡើយ។
ជាមួយគ្នានោះ ជូរី ល្អហួស ក៏បានរៀបរាប់ឱ្យដឹងថាទាន់នាងមានឱកាសច្រើន ស្ដាយសមត្ថភាព ទេពកោសល្យរបស់ខ្លួន នាងចង់ជួយផ្សព្វផ្សាយលើកមុខមាត់ប្រទេសទៅកាន់ពិភពលោកឱ្យបានច្រើនផងដែរ។
ដោយឡែក ក្រោយពីបានផ្ទេរមកុដក្នុងនាមជា Miss Preteen Cambodia 2023 បានជាង ១ សប្ដាហ៍កន្លងទៅ មកដល់ថ្មីៗនេះ ក៏បានឃើញបវរកញ្ញាវ័យក្មេងរូបនេះ បង្ហាញវត្តមានដាក់ពាក្យចូលរួមប្រកួតក្នុងកម្មវិធី Miss Teen & Miss Teen Icon Cambodia 2025 ជាផ្លូវការហើយ។
ក្នុងនោះដែរ ជូរី ល្អហួស ក៏បានបង្ហាញការតាំងចិត្តក្នុងការចូលរួមប្រកួតបវរកញ្ញាវ័យក្មេងម្ដងទៀតថា ៖ «នាងខ្ញុំយកសមត្ថភាពទៅប្រកួត ជាមួយនឹងបទពិសោធរបស់នាងខ្ញុំ ឆ្នាំនេះដឹងតែមានអ្វីប្លែកជាងឆ្នាំរាល់ដង»៕
