ផ្ទុះរឿង តាសក់សភ្នំត្បែង ប្រកាសជាស្វាមី មាស សុខសោភា! ស្រាប់តែ ញឹម ច័ន្ទថន លើកឡើងត្រង់ៗចេញពីចិត្ត ក្នុងនាមជាមិត្តល្អរាប់អានគ្នាច្រើនឆ្នាំ

កាលពីពេលថ្មីៗនេះ អ្នកលេងបណ្តាញសង្គមហ្វេសប៊ុក ជាពិសេស អ្នកគាំទ្រតារាចម្រៀង មាស សុខសោភា មានការភ្ញាក់ផ្អើលយ៉ាងខ្លាំង ក្រោយពី តាសក់សភ្នំត្បែង បានធ្វើការ Live លើហ្វេសប៊ុក និង បានឱ្យដឹងថា លោកជាស្វាមីរបស់ មាស សុខសោភា។

ក្នុងនោះដែរ ក្រោយទទួលបានដំណឹងផ្ទាល់មាត់ពី តាសក់សភ្នំត្បែង ពីទំនាក់ទំនងនឹងអ្នកនាង មាស សុខសោភា ហើយក៏មានការផ្ទុះការវែកញែកជាថ្មី ទៅកាន់តារាចម្រៀងស្រីរូបនេះជាបន្តបន្ទាប់។

ងាកទៅកាន់ កញ្ញា ញឹម ច័ន្ទថន ដែលជាមិត្តល្អរាប់អានជាមួយអ្នកនាង មាស សុខសោភា ច្រើនឆ្នាំមកហើយនោះ ក្រោយលេចឮដំណឹងរបស់មិត្តសម្លាញ់ត្រូវបានចែករំលែកព្រោងព្រាតបែបនេះ កញ្ញា ញឹម ច័ន្ទថន ក៏ទទួលបានការសួរនាំហូរហែពីសំណាក់អ្នកជុំវិញខ្លួនជាច្រើនពីរឿងនេះ។

យ៉ាងណាមិញ ពាក់ព័ន្ធនឹងរឿងរបស់អ្នកនាង មាស សុខសោភា គឺកញ្ញា ញឹម ច័ន្ទថន បានរៀបរាប់ថា៖ «ថ្មីៗបងប្អូនសិល្បៈ និង បងប្អូនអ្នកគាំទ្រ អាភា បានឆាត ខលមកសួរនាងខ្ញុំជាច្រើន! សួរថា អាភា ម៉េចហើយ? ដោយសារពួកគាត់ដឹងថាខ្ញុំ ជាមិត្តភក្តិ អាភា! ចឹងបានបងប្អូនសួរនាំ! ចាសអរគុណបងប្អូនដែលបារម្ភ និង ស្រលាញ់ អាភា នាងខ្ញុំមួយរយៈនេះ ពួកខ្ញុំមិនសូវជួបគ្នាទេ! ដោយសាររវល់រៀខ្លួន តែបើរឿងនោះជាការពិតដូចបងប្អូនសួរមែន! ក្នុងនាមខ្ញុំជាមិត្តគាត់ ខ្ញុំក៏មិនអាចជួយអ្វីទៅគាត់បានដែរ! ខ្ញុំមានតែជូនពរឱ្យមិត្ត មានសុភមង្គល និង ក្ដីសុខ ជួបមនុស្សល្អសម្រាប់ជីវិត មិត្តជាមនុស្សល្អស្មោះត្រង់ស្លូត សូមឱ្យមិត្តជួបមនុស្សល្អ «អំពើល្អមិនសាបសូន្យ»»៕