កាលពីពេលថ្មីៗនេះ អ្នកលេងបណ្តាញសង្គមហ្វេសប៊ុក ជាពិសេស អ្នកនិយមតាមដានពីគ្រួសាររបស់តារាចម្រៀង ជា សុជាតិ សមាជិកក្រុមចម្រៀងក្មេងខ្មែរ ច្បាស់ជាបានជ្រាបខ្លះមកហើយពីភរិយារបស់លោក គឺអ្នកនាង លក្ម្សី ទទួលបានការរិះគន់យ៉ាងខ្លាំង បន្ទាប់ពីអ្នកនាងបានបង្ហោះសារប្រើសម្តីធ្ងន់ៗ ទៅកាន់អ្នកបបួលស្វាមីរបស់នាងផឹកស៊ី។
សារនោះដែរ អ្នកនាង លក្ម្សី បានបង្ហោះកាលពីយប់ថ្ងៃទី ១ ខែកក្កដា ឆ្នាំ ២០២៥ កន្លងទេ តែសារនោះ ក៏បានលុបចោលវិញដែរ។ យ៉ាងណាមិញ បើទោះជាសារនោះត្រូវបានលុបចេញ ក៏មានអ្នកលេងបណ្តាញសង្គមជាច្រើនបាន screenshot យកមកបង្ហោះបន្ត ដែលធ្វើឱ្យអ្នកលេងបណ្តាញសង្គមមួយចំនួន ចូលទៅបញ្ចេញមតិមិនពេញទៅកាន់ភរិយា លោក ជា សុជាតិ ជាបន្តបន្ទាប់។
ដោយឡែក ក្រោយរងការរិះគន់ហើយនោះ នៅយប់រំលងអធ្រាត្រចូលថ្ងៃទី ៣ ខែកក្កដា ឆ្នាំ ២០២៥ នេះ អ្នកនាង លក្ម្សី បានបង្ហោះសារបញ្ជាក់ពីមូលហេតុ ព្រមទាំងលើកឡើងថា មហាជនជេរស្តីក៏ជេរចុះ នាងធ្វើនេះ ដើម្បីស្វាមីប៉ុណ្ណោះ។
សំណេរយ៉ាងវែងអន្លាយនោះដែរ អ្នកនាង លក្ម្សី ក៏បានបញ្ជាក់ជាថ្មី ពីសុខភាពរបស់ស្វាមី ដែលមានជំងឺផ្លូវចិត្តមួយប្រភេទហៅថា PTSD (post traumatic-stress disorder) ហើយគ្រឿងស្រវឹង គឺប៉ះពាល់ខ្លាំងសម្រាប់លោក ដូច្នេះហើយទើបនាងប្រតិកម្មខ្លាំង ទៅកាន់អ្នកបបួលស្វាមីនាងចេញទៅផឹក។
សូមអានសំណេរលម្អិតខាងក្រោម៖
