កាលពីថ្ងៃទី ១៦ ខែវិច្ឆិកា ឆ្នាំ ២០២៥ កន្លងទៅនេះ នៅឯប្រទេសថៃ មានករណីផ្ទុះឆាបឆេះរោងចក្រផលិតប្រេងអង្ករដ៏ធំមួយ ដែលបណ្តាលឱ្យមានការខូចខាត និងរបួសមនុស្សចំនួន ៣ នាក់។

តាមព័ត៌មានបានឱ្យដឹងថា រោងចក្រខាងលើនេះ មានទីតាំងស្ថិតនៅឃុំឡាក់ហ្វា ស្រុកឆៃយ៉ូ ខេត្តអាងថង ដែលនៅក្បែរទីក្រុងបាងកក។ ហេតុការណ៍បានចាប់ផ្តើមកើតឡើង ដោយមានការផ្ទុះឆាបឆេះចេញពីកន្លែងផលិតប្រេងអង្ករផ្ទាល់ ដែលមានផ្ទុកសារធាតុគីមីអុកស៊ីតកម្ម ទើបអាជ្ញាធរបានប្រើសារធាតុគីមី រួមជាមួយនឹងទឹកដើម្បីពន្លត់វិញ។

យ៉ាងណាមិញ ក្នុងនោះដែរ មានព័ត៌មានបានឱ្យដឹងថាមានកម្មករចំនួន ៣ នាក់បានរងរបួស ហើយក៏ត្រូវបានគេបញ្ជូនទៅកាន់មន្ទីរពេទ្យភ្លាមផងដែរ។ ដោយឡែក ចំពោះមូលហេតុនៃការឆាបឆេះបង្កមកពីអ្វីនោះ អាជ្ញាធរក៏កំពុងតែធ្វើការស៊ើបអង្កេត៕




ប្រភព៖ Khasod