ថ្មីៗនេះ នៅលើបណ្តាញសង្គមហ្វេសប៊ុក កំពុងផ្ទុះការចែករំលែកវីដេអូមួយ ដែលផលិតឡើងដោយតារាប្រុសលោក ឆឹម សក្កដា ដោយមានការសរសើរមិនដាច់ពីមាត់ពី concept នៃការផលិតវីដេអូនោះ។
វីដេអូនោះដែរ ផលិតឡើងការអបអរសាទរព្រឹត្តិការណ៍ «សាទរកម្ពុជា» ដែលកម្ពុជាបាន និង កំពុងរៀបចំយ៉ាងគគ្រឹកគគ្រេង ដើម្បីការសាទរដល់សង្គមមួយ ដែលប្រកបដោយភាពរស់រវើក ជាមួយនឹងការបង្ហាញវិសេសភាព នៃអត្តសញ្ញាណ ដោយមានចិត្តសោមនស្សចំពោះអ្វីៗដែលបានឆ្លងកាត់ បានជម្នះ និងការលើកតម្កើងមោទនភាពក្នុងភាពជាប្រជាជាតិតែមួយ។
2
អ្វីដែលកាន់តែធ្វើឱ្យវីដេអូនោះ មានការចាប់អារម្មណ៍ខ្លាំង និង មានការសរសើរពីសំណាក់មហាជននោះ គឺការបង្ហាញតួអង្គរបស់ ហនុមាន របស់ប្រទេសកម្ពុជា និង ស្តេចស្វា ស៊ុនអូខុង របស់ប្រទេសចិន ដើរទស្សនកិច្ចក្នុងព្រឹត្តិការណ៍ «សាទរកម្ពុជា» នៅមុខព្រះបរមរាជវាំង និង រូបសំណាកព្រះបរមរូប ព្រះបរមរតនកោដ្ឋ ។ គួរជម្រាបថា តួអង្គ ហនុមាន នោះដែរ គឺមានការសម្តែងដោយលោក ឆឹម សក្កដា រីឯតួអង្គ ស៊ុនអូខុង ចូលរួមសម្តែងដោយជនជាតិចិន៕
សូមទស្សនាវីដេអូខាងក្រោម៖
