ពិតណាស់ កម្មវិធីប្រកួតសម្រស់ Miss and Mister Majestic Cambodia 2025 បានបើកដំណើរការប្រកួតជាផ្លូវការហើយ ដោយកាលពីថ្ងៃទី ១៥ ខែមីនា ឆ្នាំ ២០២៥ កន្លងទៅ កម្មវិធីបានរៀបរាប់ចំការបំពាក់ឆៀង និង បង្ហាញមុខបេក្ខភាព Miss and Mister នីមួយៗជាផ្លូវការ ដែលសុទ្ធសឹងតែមានសមត្ថភាព និង មានភាពជឿជាក់ខ្លាំង។
យ៉ាងណាមិញ ក្រោយពីកម្មវិធីបំពាក់ឆៀងនៃ Miss and Mister Majestic Cambodia 2025 បានបញ្ចប់ ក្រឡេកមើលលើបណ្ដាញសង្គមហាក់ផ្ទុះការចាប់អារម្មណ៍ចែករំលែកខ្លាំងពីរូបភាព ក៏ដូចជាវីដេអូនៃសកម្មភាពរបស់បេក្ខភាពបុរសឯកក្នុងកម្មវិធីប្រកួតនេះ ដែលមហាជនជាច្រើនបានផ្ទុះការបញ្ចេញមតិវែកញែកខ្លាំងភាគច្រើនពាក់ព័ន្ធនឹងរូបសម្បត្តិ។
ស្របពេលផ្ទុះការចែករំលែកវែកញែកជុំវិញរឿងរូបសម្បត្តិនេះដែរ ងាកទៅចាប់អារម្មណ៍បេក្ខភាពមួយរូបនៃកម្មវិធី Mister Majestic Cambodia 2025 នេះ គឺលោក ឡៃ រ៉ាថៃ ក៏បានបង្ហោះសារឆ្លើយតបទៅនឹងពាក្យរិះគន់ទាំងនោះ ព្រមទាំងតាំងជំហរលើវិស័យនេះយ៉ាងមោះមុតដោយមិនចុះចាញ់ និង មិនបោះបង់ក្ដីស្រមៃរបស់ខ្លួនចោលជាដាច់ខាត។
ក្នុងនោះ លោក ឡៃ រ៉ាថៃ បានរៀបរាប់ថា ៖ «ចង់និយាយថាខ្ញុំអន់ចិត្តអត់ ខ្ញុំអន់ចិត្តណាស់ តែបើសួរថាខ្ញុំឈប់ត្រឹមនឹងមែន ខ្ញុំចង់ប្រាប់ថា គ្មានឡើយពាក្យថាចាញ់ឡើយសម្រាប់ខ្ញុំ ក្ដីស្រមៃខ្ញុំមិនមែននៅលើមាត់អ្នកឡើយ Miss and Mister Majestic Cambodia M63»៕
