នៅរាត្រីថ្ងៃទី ២២ ខែឧសភា ឆ្នាំ ២០២៥ នេះ កម្មវិធីប្រកួតសម្រស់ភេទទី ៣ Miss Queen Cambodia 2025 បានឈានដល់វគ្គប្រកួតផ្ដាច់ព្រ័ត្រ និង រកឃើញម្ចាស់ជ័យលាភីគ្រងមកុដ Miss Queen Cambodia ប្រចាំឆ្នាំ ២០២៥ ហើយ គឺបានទៅលើបវរកញ្ញាតំណាងខេត្តព្រះសីហនុ កញ្ញា ផេនខេក។
ក្រោយក្លាយជាម្ចាស់ជ័យលាភីគ្រងមកុដថ្មី MQC 2025 នេះ កញ្ញា ផេន ខេក កំពុងត្រូវបានមហាជនអ្នកគាំទ្រវិស័យបវរកញ្ញាជាច្រើនចែករំលែក បង្ហាញការអបអរដោយក្ដីពេញចិត្ត និង មើលឃើញពីសមត្ថភាពរបស់នាង ប៉ុន្តែក្នុងនោះក៏មានការបញ្ចេញមតិវែកញែកពីមហាជនមួយចំនួនមិនសូវពេញចិត្ត ដែលមានពាក្យថានាងជាប់តាមខ្សែទៀតផង។
ជាមួយគ្នានោះ ស្របពេលមានការបញ្ចេញមតិមួយចំនួនមិនសូវពេញចិត្ត និង វែកញែកថាម្ចាស់មកុដថ្មី MQC 2025 រូបនេះ ជាប់តាមរយៈនេះតាមរយៈនោះ ក៏ឃើញមានអ្នកគាំទ្រមួយចំនួនបញ្ចេញមតិតតាំងដោយស្នើសុំឱ្យអ្នករិះគន់ ក៏ដូចជាអ្នកវែកញែកទាំងនោះ កុំចាប់អារម្មណ៍មើលតែរូបរាង តែងាកទៅលើសមត្ថភាពរបស់ ផេក ខេក ដែលនាងជាបេក្ខភាព និង ជាសិល្បករមួយរូប មានទេពកោសល្យពហុជំនាញ មានទាំងភាពជឿជាក់ និង ឆន្ទៈតស៊ូខ្ពស់៕
