នៅសល់មិនដល់ ១ សប្តាហ៍ទៀតទេ ពិធីមង្គលការរបស់តាចម្រៀងប្រុសស្រី លោក ជី ដេវីត និង អ្នកនាង ទេព បូព្រឹក្ស នឹងមកដល់ហើយ ដោយថ្ងៃពិសេសរៀបចំនៅថ្ងៃទី ៧ ខែមិថុនា ឆ្នាំ ២០២៥ ខាងមុខ។ លើសពីនោះ បន្ទាប់ពីពិធីមង្គលការរួច គូស្វាមីភរិយាខាងលើ ក៏បានរៀបចំកម្មវិធីជប់លៀងជួបជុំអ្នកគាំទ្រនៅថ្ងៃទី ០៨ ខែមិថុនា ឆ្នាំ ២០២៥ បន្ថែមមួយថ្ងៃទៀតដែរ។
ខណៈ កំពុងត្រៀមខ្លួនសម្រាប់ថ្ងៃសិរីមង្គលខាងមុខនេះ ងាកទៅមើលអនាគតកូនកំលោះកូនក្រមុំក្នុងរោងជ័យទាំងពីររូប បានបង្កើតអនុស្សារីយ៍យ៉ាងមានន័យតាមរយៈការថតរូប Pre-Wedding ជាច្រើនឈុត និង ជាច្រើនកន្លែងនៅក្នុងប្រទេសកម្ពុជា ជាពិសេស តាមប្រាសាទនានា។ លើសពីនោះ អ្វីដែលកាន់តែចាប់អារម្មណ៍ គឺឈុតប្រពៃណីជាច្រើនឈុតសុទ្ធសឹងតែស្អាតៗប្រណីត។
ដោយឡែក អ្វីដែលគួរឱ្យចាប់អារម្មណ៍ទៅកាន់អនាគតកូនក្រមុំឯណោះវិញ អ្នកគាំទ្រច្បាស់ជាបានជ្រាបហើយថា អ្នកនាង ទេព បូព្រឹក្ស បានសម្រកគីឡូទទួលបានរាងតូចច្រឡឹងយ៉ាងស្រស់ស្អាត រីឯផ្ទៃមុខវិញនោះ អ្នកនាងក៏បានកែកុនបន្ថែម ដោយទម្រង់មុខស្អាតប្លែកទៀតផង។
ជាក់ស្តែង រូបភាពប៉ុន្មានសន្លឹកចុងក្រោយនេះ អ្នកនាងគាំទ្របានលាន់មាត់ថា ទម្រង់មុខអ្នកនាង ទេព បូព្រឹក្ស ស្អាតប្លែក ពេលបន្ថែមការផាត់មុខ ដោយមើលទៅស្រដៀងនឹងតារាចម្រៀងអាមេរិក Ariana Grande៕
រូបភាព៖ ELITE Wedding Planner
