កាលពីអំឡុងដើមខែខែវិច្ឆិកា ឆ្នាំ ២០២៤ កន្លងទៅនេះ មហាជនអ្នកគាំទ្រវិស័យបវរកញ្ញាច្បាស់ជានៅចាំនៅឡើយ ក្រោយលេចឮដំណឹងថាមានអ្នកទិញសិទ្ធិកម្មវិធីបវរកញ្ញា Miss Grand Cambodia 2025 មកធ្វើនៅខ្មែរបន្តទៀត ក្រោយពីមានភាពចម្រូងចម្រាស់ជាមួយកម្មវិធីអន្តរជាតិ MGI បានស្ងប់ស្ងាត់មួយរយៈ។
កាលនោះដែរ ក្រោយឮដំណឹងនៃការទិញសិទ្ធិកម្មវិធីអន្តរជាតិ Miss Grand Cambodia 2025 មកធ្វើនៅខ្មែរបន្តទៀត អ្នកស្នេហាវិស័យបវរកញ្ញា និង អ្នកលេងបណ្ដាញសង្គមជាច្រើនបានផ្ទុះការវែកញែក ព្រមទាំងចង់ដឹងថា អ្នកណាជា ND ថ្មីទៀតផង។
ដោយឡែកក្រោយស្ងប់ស្ងាត់មួយរយៈ ស្រាប់តែកាលពីយប់ថ្ងៃទី ១៩ ខែឧសភា ឆ្នាំ ២០២៥ អ្នកលេងបណ្តាញសង្គមហ្វេសប៊ុក បានចាប់អារម្មណ៍នឹងផេកហ្វេសប៊ុកថ្មីបានបង្កើតឡើងដាក់ឈ្មោះ Miss Grand Cambodia ព្រមទាំងបានបង្ហោះព៌ត័មានមួយចំនួនពាក់ព័ន្ធនឹងការប្រកួត MCG 2025។ ក្នុងនោះដែរ ផេកនេះក៏បានបង្ហោះព័ត៌មានជាបន្តបន្ទាប់ថាការប្រកួត Miss Grand Cambodia 2025 នឹងមកដល់ក្នុងពេលឆាប់ៗខាងមុខនេះ ហើយអ្នកណា គឺជាម្ចាស់មកុដ។ តែទោះជាបែបនេះ គេហទំព័រមួយនេះ នៅមិនទាន់ប្រកាសពីអ្នកគ្រប់គ្រងថ្មី ដែលបានទិញសិទ្ធិសម្រាប់ការប្រកួតកម្មវិធីមួយនេះជាផ្លូវការនៅឡើយទេ៕
