ថ្មីៗនេះ អ្នកលេងបណ្តាញសង្គម Tik Tok កំពុងផ្ទុះការចាប់អារម្មណ៍ និង ចែករំលែកវីដេអូមួយរបស់គណនីតូបកាហ្វេមួយឈ្មោះថា phyusinthantcornercoffee ដែលមានទីតាំងនៅប្រទេសមីយ៉ាន់ម៉ា។
ក្នុងនោះ អ្វីដែលត្រូវបានអ្នកលេង Tik Tok របស់កម្ពុជា ចាប់អារម្មណ៍ទៅកាន់តូបកាហ្វេនៅមីយ៉ាន់ម៉ានោះ ក៏ព្រោះគេបានឃើញឡូហ្គោ ក៏ដូចជាឈ្មោះហាងស្រដៀងទៅនឹងហាង Coffee Corner របស់លោក ប៉ីប៉ី ឌី ដោយតូបកាហ្វេនោះដាក់យីហោថា Corner Coffee។
ដោយឡែក ក្រោយឃើញរូបភាពស្រដៀងៗគ្នាបែបនេះ ក៏មានអ្នកលេង Tik Tok កម្ពុជា ចូលទៅបញ្ចេញមតិ ដោយភាគច្រើនបានលើកឡើងថា ហាងនោះ មិនខុសអ្វីឡើយ ព្រោះឈ្មោះមិនដូចគ្នានោះទេ ហើយខ្លះទៀត ក៏បានបញ្ចេញមតិថា បើទោះជាឡូហ្គោស្រដៀងគ្នាខ្លាំង ក៏មិនអីដែរ យ៉ាងណាអាចមកពីគេស្រឡាញ់ចូលចិត្តហាងរបស់ ប៉ីប៉ី ឌី ក៏ថាបាន។
មិនត្រឹមតែប៉ុណ្ណោះ ក៏មានអ្នកខមមិនលេងសើចថា ហាង Coffee Corner ទៅបើកសាខានៅមីយ៉ាន់ម៉ាទៀតផង។ យ៉ាងណាមិញ ជុំវិញការសង្កេតឃើញពីភាពស្រដៀងគ្នានេះ គេនៅមិនទាន់ឃើញ លោក ប៉ីប៉ី ឌី បញ្ចេញយោបល់ពាក់ព័ន្ធនឹងរឿងមួយនេះនៅឡើយទេ៕
