ជាការពិតណាស់ មហាជននិយមតាមដានពីខ្សែជីវិតនៃដំណើរសិល្បៈរបស់ ឌីជេ ក្តិប ច្បាស់ជាបានជ្រាបហើយថា លោក ត្រូវបានចាត់ទុកជាតារាចម្រៀងរ៉េបរៀមច្បងមួយរូបដែរក្នុងប្រទេសកម្ពុជា។ កាលនោះ គេចាំបានថា ឌីជេ ក្តិប ត្រូវបានបណ្តុះបណ្តាលឡើងដោយមាន ឌីជេ ស្តី ជាគ្រូបង្រៀន និង ឌីជេ ខេក ជារៀមច្បងក្នុងការជួយត្រួសត្រាយផ្លូវលើវិថីមួយនេះ។
ដូចពាក្យចាស់ពោលថា ផឹកទឹកកុំភ្លេចប្រភព មកដល់ពេលនេះ ឌីជេ ក្តិប តែងតែបង្ហាញការដឹងគុណដល់ ឌីជេ ស្តី និង ឌីជេ ខេក ជារឿយៗរាល់ពេលលោកបង្ហាញវត្តមានក្នុងកម្មវិធីនានា ឬតាមរយៈការបង្ហោះនៅលើបណ្តាញសង្គមនានាផងដែរ។
ជាក់ស្តែង នៅថ្ងៃទី ១១ ខែកញ្ញា ឆ្នាំ ២០២៥ ដែលជាថ្ងៃខួបកំណើតរបស់ ឌីជេ ខេក នោះ ឌីជេ ក្តិប បានបង្ហោះសារជូនពរថ្ងៃកំណើត ឌីជេ ខេក និង បានបង្ហាញការដឹងគុណជាថ្មីដល់រៀមច្បងរូបនេះថា៖ «រីករាយថ្ងៃកំណើតបងប្រុសជាទីគោរព អ្នកមានគុណរបស់ប្អូន។ ប្អូនសូមជូនពរឱ្យបង មានសុខភាពល្អ សំណាងល្អ មុខរបររកស៊ី។ កាន់តែជោគជ័យ មានលុយចូលច្រើនៗ ព្រមទាំងសម្រេចបានគ្រប់ភារកិច្ចការងារ និងបំណងប្រាថ្នា ឌីជេ ខេក»៕
