បើគិតចាប់តាំងពីការចាកចេញពីផលិតកម្មថោន មកដល់ពេលនេះរយៈពេលប្រមាណជា ៥ ឆ្នាំ មកហើយ ដែលតារាចម្រៀង ឈិត សុវបញ្ញា បានបោះបង់ចោលអាជីពសិល្បៈទាំងស្រុង ដោយសំងំរស់នៅយ៉ាងសាមញ្ញ ចាយជីវិតយ៉ាងរីករាយ។
បើទោះជាមិនបានស្ពាយឈ្មោះជាតារាចម្រៀងដូចមុនក៏ពិតមែន ប៉ុន្តែកញ្ញា ឈិត សុវណ្ណបញ្ញា ក៏មិនដែលខកខានចូលរួមកម្មវិធីរបស់អ្នកសិល្បៈនោះដែរ ដោយអតីតតារាចម្រៀងស្រីរូបនេះ តែងតែជួបជុំមិត្តសិល្បៈផងដែរ។
ងាកមកកាន់ជីវិតឯកជនឯណោះវិញ អ្នកគាំទ្រជាច្រើនច្បាស់ជាបានជ្រាបហើយថា កញ្ញា ឈិត សុវណ្ណបញ្ញា គឺមានបងប្អូនភ្លោះស្រី ដោយនាងជាកូនភ្លោះបង រីឯអ្នកនាង ឈិត សុវណ្ណនុកា ជាប្អូនភ្លោះពៅ។ ក្នុងនោះ និយាយពីជីវិតគូវិញ ប្អូនស្រីពៅរបស់កញ្ញា ឈិត សុវណ្ណបញ្ញា បានសាងគ្រួសារមានកូនប្រុសស្រីធំទន្ទឹមខ្លួនហើយ ខណៈកញ្ញា ឈិត សុវណ្ណបញ្ញា ជាអ៊ំស្រី នៅមិនទាន់បង្ហើបរឿងគូស្រករនៅឡើយ។
ជាក់ស្តែង ប៉ុន្មានឆ្នាំចុងក្រោយនេះ មហាជនអ្នកគាំទ្រជាច្រើន បាននាំគ្នាចាប់អារម្មណ៍ខ្លាំងចំពោះកញ្ញា ឈិត សុវណ្ណបញ្ញា ដែលបានចាយពេលវេលាជាច្រើនក្នុងសកម្មភាពដើរទៅរកផ្លូវព្រះធម៌ គោរពតាមមាគាព្រះពុទ្ធសាសនា យកព្រះធម៌ជាគ្នា ដើរសន្សំបុណ្យ ធ្វើសមាធិឱ្យចិត្តស្ងប់សុខ ស្លៀកសហូបបួស និង សកម្មភាពផ្សេងៗជាច្រើនទៀតអំពើព្រះធម៌៕
