ថ្មីៗនេះ នៅសហរដ្ឋអាមេរិក មានករណីក្រុមចោរមួយក្រុម ដែលបានធ្វើសកម្មភាពប្លន់នៅក្នុងផ្សារទំនើប ដោយយកសត្វពស់ធ្វើអាវុធដើម្បីគំរាម។
តាមព័ត៌មានបានឱ្យដឹងថា ករណីមួយនេះបានកើតឡើងកាលពីថ្ងៃទី ៤ ខែមីនា ឆ្នាំ ២០២៥ កន្លងទៅ នៅក្នុងផ្សារទំនើបមួយកន្លែង នារដ្ឋ Tennessee សហរដ្ឋអាមេរិក។ បុគ្គលិកក្នុងនោះ បានរៀបរាប់ឱ្យដឹងថា ដំបូងឡើយគេឃើញមានឡានមួយគ្រឿងមកចតនៅមុខទ្វារចូល ហើយក៏មានបុរសម្នាក់់ដើរកាន់សត្វពស់មួយក្បាលចូលមក រួចក៏មានបុរសម្នាក់ទៀតកាន់សត្វពស់មួយក្បាលទៀតដើរចូលតាមក្រោយ។ ពួកគេបានយកសត្វពស់មកដាក់លើកន្លែងគិតលុយ ហើយក៏ស្រវាយកប្រេងកញ្ឆា រួចក៏នាំគ្នាឡើងឡានគេចទៅបាត់ទៅ។
យ៉ាងណាមិញ ប្រេងកញ្ឆាដែលក្រុមចោរខាងលើនេះបានយកទៅ មានតម្លៃប្រមាណជា ៤០០ ដុល្លារ ហើយពេលនេះខាងប៉ូលិសអាជ្ញាធរកំពុងតែធ្វើការស្រាវជ្រាវដើម្បីចាប់ខ្លួនក្រុមចោរខាងលើនេះ មកដាក់ទោសទៅតាមផ្លូវច្បាប់ផងដែរ៕
ប្រភព៖ Khaosod
