សូមអបអរសាទរ ដល់ការបើកសម្ពោធមជ្ឈមណ្ឌលគ្រឿងសំអាង Elizabeth Arden នៅក្នុងផ្សារទំនើបបាយ័នជាន់ទី ១ ជិតទីស្តីការគណៈរដ្ឋមន្ត្រី។
លោកជំទាវ ចាន់ ភារី ដែលជាស្ថាបនិកគ្រឿងសម្អាងរ៉េវឡននៅកម្ពុជា ពេលនេះក៏បានក្លាយជាម្ចាស់សិទ្ធិចែកចាយផ្តាច់មុខ ដោយគ្រឿង សំអាង Elizabeth Arden មួយបន្ថែមទៀត។
នៅក្នុងពិធីបើកសម្ពោធមជ្ឈមណ្ឌលគ្រឿងសំអាងដំបូងគេបង្អស់ Elizabeth Arden លោកជំទាវ ចាន់ ភារី ជាអគ្គនាយិកា និង ប្រធាន សមាគមសហគ្រិនស្រីកម្ពុជា អាណត្តិទី ៥ បានប្រាប់ពីគោលបំណងលោកជំទាវដែលសម្រេចចិត្តនាំយកប្រេនល្បីល្បាញពីអាមេរិកនេះមកកម្ពុ ជា ក៏ព្រោះតែចង់ផ្តល់នូវភាពកាន់តែសម្បូរបែបនូវផលិតផលទាំងផ្នែកថែរក្សាស្បែក និង តុបតែងផាត់មុខដើម្បីបំពេញតម្រូវការរបស់អតិថិជន បន្ថែមភាពស្រស់ស្អាតតាំងពីចុងសក់ដល់ចុងជើង។
លោកជំទាវបានបន្តទៀតថា នេះមិនមែនជារឿងចៃដន្យនោះទេ ព្រោះលោកជំទាវបានកសាងកេរ្តិ៍ឈ្មោះ ទំនុកចិត្ត និង ទំនាក់ទំនងយ៉ាងល្អប្រកបដោយគុណធម៌ជាមួយអតិថិជនអស់រយៈកាលជាង ២ ទសវត្សរ៍ ទើបអាចមានឱកាសទទួលបាននូវសិទ្ធិចែកចាយផលិតផលលំដាប់ អន្តរជាតិមួយនេះ។
ពិធីបើកសម្ពោធមជ្ឈមណ្ឌលគ្រឿងសំអាងដំបូងគេបង្អស់ Elizabeth Arden គឺធ្វើឡើងនៅ ថ្ងៃទី ១៨ ខែមករា ឆ្នាំ ២០២៥ កន្លងទៅនេះ មានការចូលរួមគាំទ្រយ៉ាងអធិកអធមពីភ្ញៀវកិត្តិយស និង សមាជិកក្រុមប្រឹក្សាភិបាល និង សមាជិកសហគ្រិនស្ត្រី អ្នកបង្កើតមាតិកា (KOLS) រួមទាំងភ្ញៀវជាតិ និង អន្តរជាតិជាច្រើនរូបទៀតផង ដែលញាំងឱ្យកម្មវិធីដំណើរការទៅបានដោយរីករាយនឹងមានភាពកក់ក្តៅវជាទីបំផុត។
សូមជម្រាបផងដែរថា នៅក្នុងមមជ្ឈមណ្ឌលគ្រឿងសំអាងដ៏ស្រស់ត្រកាលនេះ គឺអតិថិជនអាចរកជាវនូវផលិតផលដ៏សម្បូរបែបក្រៅពី ផលិតផលរបស់ប្រេន Elizabeth Arden and Revlon និង មានផលិតផលថែរក្សាសម្រស់ស្បែក សក់ ក្រចក ព្រមទាំងមានការផ្តល់ជូននា សេវាបន្ថែមផ្នែកសាឡន និង ស្ប៉ាមុខផងដែរ៕
