ឱ្យតែដល់ថ្ងៃទី ១៤ កុម្ភៈ ទិវានៃក្ដីស្រឡាញ់ ប្រាកដណាស់ក្នុងឱកាសនេះគេតែងមានការជូនកាដូជាបាច់ផ្កា ឬ អ្វីផ្សេងដើម្បីចែករំលែកក្ដីស្រឡាញ់រាប់អានគ្នាទៅវិញទៅមក។ ចំពោះគូស្នេហ៍ ពិសេសនារីៗក៏តែងចង់បានកាដូពីដៃគូខ្លួនក្នុងឱកាសពិសេសនេះដែរ ហើយពេលខ្លះពួកគេក៏តែរកវិធីដើម្បីបង្ហាញចេតនាដល់ដៃគូដឹងផងដែរ។ ខាងក្រោមនេះគឺជាវិធីធម្មតាចំនួន ៥ មើលហាក់ជាការលេងសើច ប៉ុន្តែអាចការដែលនារីៗចង់ណែនាំ ឬ ចង់បានកាដូពីមិត្តប្រុសរបស់ពួកគេនៅថ្ងៃបុណ្យនៃក្តីស្រឡាញ់។
១. បង្ហាញចេតនាប្រយោល
នារីៗប្រហែលជាធម្មតានិយាយពីផលិតផលដែលពួកគេចូលចិត្ត ឬ អ្វីដែលពួកគេបានឃើញតាមអ៊ីនធឺណិត ដោយសង្ឃឹមថាមិត្តប្រុសរបស់ពួកគេអាចនឹងចាប់តម្រុយនោះបាន។ ឧទាហរណ៍ ការលាន់មាត់ «Wow ខ្សែ-កនេះស្អាតណាស់!» ជាដើម្បី។
២. ចែករំលែកការបង្ហោះតាមប្រព័ន្ធផ្សព្វផ្សាយសង្គម
នារីៗអាចចែករំលែក ឬ tag មិត្តប្រុសរបស់ពួកគេនៅក្នុងការបង្ហោះលើហ្វេសប៊ុក IG ឬ Tiktok ដែលទាក់ទងនឹងកាដូថ្ងៃបុណ្យនៃក្តីស្រឡាញ់ ឬ អ្វីមួយដែលគេចង់បាន ណែនាំប្រាប់មិត្តប្រុសរបស់គេ។
៣. និយាយលេងបន្លំមែន
ការប្រើពាក្យកំប្លែងដើម្បីចង់បានកាដូ ដូចជានិយាយថា «ខ្ញុំនឹងអត់ទោសឱ្យអ្នកនៅពេលអ្នកមកយឺត … ប្រសិនបើអ្នកយកកាបូបនោះមកខ្ញុំ!» ឬ ក៏ការនិយាយបែបមែនបន្លំលេងថា ចង់បាននេះចង់បាននោះដូចគូគេដល់ហើយ ជាដើម។
៤. រៀបចំផែនការណាត់ជួបនៅផ្សារទំនើប
ជាភាពឆ្លាតវៃមួយរបស់នារី ពួកគេអាចនឹងស្នើណាត់អ្នកឱ្យទៅផ្សារទំនើប ឬ ហាងណាមួយ ដោយប្រាប់ថាគ្រាន់តែទៅដើម្បីដើរមើលលេង តែបើគិតឱ្យដល់គឺគេចង់បានន័យផ្តល់ឱកាសឱ្យមិត្តប្រុសរបស់ពួកគេកត់សម្គាល់ពីអ្វីដែលពួកគេចូលចិត្តប៉ុណ្ណោះ។
៥. ប្រាប់ត្រង់ៗ
មនុស្សស្រីមួយចំនួនចូលចិត្តនិយាយត្រង់ៗ ហើយប្រាប់មិត្តប្រុសរបស់គេយ៉ាងសាមញ្ញថាពួកគេចង់បានកាដូ ដោយការស្រឡាញ់របស់នេះ ឬ របស់នោះ ជាដើម តាមចំណូលចិត្តរបស់គេតែម្តង មិនចង់បូបាច់អីច្រើនខាតពេល។
យ៉ាងណាមិញ ប្រុសៗបើបានឃើញក្បួនតែប៉ុណ្ណេះពីមិត្តស្រី សូមប្រុងៗខ្លួនត្រៀមលុយពេញហោប៉ៅទុកឱ្យហើយទៅ ដើម្បីផ្គាប់ចិត្តដៃគូ ព្រោះកាដូនៅថ្ងៃពិសេសបែបនេះអាចនឹងជួយរឹតចំណងស្នេហ៍ឱ្យកាន់តែរឹងមាំបានមួយកម្រិតទៀតផងដែរ៕
