នៅសល់រយៈពេលមិនយូរទៀតនោះទេ សម័យប្រឡងសញ្ញាបត្រមធ្យមសិក្សាទុតិយភូមិបានមកដល់ហើយ ដោយប្រព្រឹត្តនៅថ្ងៃទី ២៨ ខែសីហា ឆ្នាំ ២០២៥ ខាងមុខនេះ។ ក្នុងនោះដែរ កាន់តែកៀកថ្ងៃមកដល់ គេបានសង្កេតឃើញមហាជនតាមបណ្តាញសង្គមនានា មិនថាស្រីប្រុស ចាស់ក្មេង បានបង្ហោះសំណេរជូនពរដល់សិស្ស ដែលនឹងត្រូវ ប្រឡងសញ្ញាបត្រមធ្យមសិក្សាទុតិយភូមិនាពេលខាងមុខនេះ ឱ្យទទួលបានជោគជ័យផងដែរ។
ងាកទៅកាន់កំពូលតារាចម្រៀង ឱក សុគន្ធកញ្ញា ក៏ដូចគ្នាដែរ មិនភ្លេចក្នុងការជូនពរដល់ ប្អូនៗ ក្មួយៗនោះទេ ដោយអ្នកនាង បានសរសេរសំណេរយ៉ាងមានន័យ បានអានហើយពោរពេញដោយកម្លាំងចិត្ត។
អ្នកនាង ឱក សុគន្ធកញ្ញា បានរៀបរាប់ថា៖ «សម្រាប់ការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ២៨ សីហា ២០២៥ ជូនពរ ប្អូនៗ ដែលត្រូវប្រឡង សញ្ញាបត្រមធ្យមសិក្សាទុតិយភូមិ នៅ ២ ថ្ងៃខាងមុខនេះ ឱ្យមានស្មារតី រឹងមាំ មុះមុត បំពេញកាតព្វកិច្ច ចំនួន ២ ថ្ងៃ ឱ្យបានល្អតាមអ្វី ដែលអាចធ្វើទៅបាន។ ស៊ូៗ បង កញ្ញា ផ្តល់កម្លាំងចិត្តពីចម្ងាយឱ្យណា»៕
