បើគិតមកដល់ពេលនេះរយៈពេលប្រមាណជា ២ ទៅ ៣ ឆ្នាំមកហើយ ដែលលោក ទ្រីវ ដេវីដ បានប្រឡូកក្នុងវិស័យសិល្បៈក្នុងនាមជាពិធីករ។ ក្នុងនោះដែរ ពិធីករវ័យក្មេងរូបនេះ មិនត្រឹមតែទទួលបានប្រជាប្រិយភាពពី ភាពរហ័សរហួន ការប្រើវោហារស័ព្ទយ៉ាងសម្បូរបែបនោះទេ តែលោក ទ្រីវ ដេវីដ ក៏ត្រូវបានចាត់ទុកជាពិធីករវ័យក្មេងអាចនិយាយបានច្រើនភាសាដែរ។
ជាការពិត កន្លងមកក្នុងកម្មវិធីមួយចំនួន ដែលមានតារាក្រៅប្រទេសមក លោក ទ្រីវ ដេវីដ ច្រើនតែទទួលបានតួនាទីជាអ្នកបកប្រែ ទន្ទឹមគ្នានឹងជាពិធីករទៀតផង។
យ៉ាងណាមិញ ក្រោយការប្រឹងប្រែងអស់រយៈពេលជាច្រើនឆ្នាំ ថ្មីៗនេះ លោក ទ្រីវ ដេវីដ បានបង្ហាញនូវសមិទ្ធផល ជាកាដូធំជូនសម្រាប់ខ្លួនឯងជាលើកទី ១ គឺរថយន្តទំនើប ដែលចេញពីកម្លាំងញើសឈាមរបស់លោកផ្ទាល់។ ក្នុងនោះ អ្នកគាំទ្រ និង មិត្តសិល្បករជាច្រើន ក៏បានសរសើរ និង ចូលរួមអបអរសាទរនៃការប្រឹងប្រែងរបស់លោកបានចេញជាផ្លែផ្កាមួយនេះ៕
