ប្រាប់តៗផង! ឥលូវនេះ ត្រឹមអ៊ីអន ៣ ក៏មានកន្លែងធ្វើអត្តសញ្ញាណប័ណ្ណ និង លិខិតឆ្លងដែនដែរ បើកពីថ្ងៃពុធដល់ថ្ងៃអាទិត្យ

កាលពីថ្ងៃទី ០៦ ខែមេសា ឆ្នាំ ២០២៥ កន្លងទៅ អគ្គនាយកដ្ឋានអត្តសញ្ញាណកម្ម បានចេញសេចក្តីជូនដំណឹង ឱ្យបានដឹងថា ដើម្បីបង្កើនប្រសិទ្ធភាពលើការផ្តល់សេវាអត្តសញ្ញាណកម្ម និង បង្ខិតសេវាឱ្យកៀកជិតប្រជាពលរដ្ឋ ក្រសួងមហាផ្ទៃ បានសម្រេចដាក់ឱ្យដំណើរការទីស្នាក់ការផ្តល់សេវាអត្តសញ្ញាណបណ្ណសញ្ជាតិខ្មែរ និង ទីស្នាក់ការផ្តល់សេវាលិខិតឆ្លងដែននៅផ្សារទំនើបអ៊ីអនម៉លមានជ័យ (អ៊ីអន៣) ចាប់ពីថ្ងៃផ្សាយដំណឹងនេះតទៅ។

ចំពោះព័ត៌មានអំពីពេលវេលា និង ទីតាំងផ្តល់សេវាមានដូចខាងក្រោម៖

+ ពេលវេលាផ្តល់សេវា ពីម៉ោង ៩:០០ ព្រឹក ដល់ម៉ោង ០៤:០០ ល្ងាច ធ្វើការពីថ្ងៃពុធ ដល់ ថ្ងៃអាទិត្យ (ឈប់សម្រាកថ្ងៃចន្ទ និង ថ្ងៃអង្គារ ព្រមទាំងថ្ងៃឈប់សម្រាកផ្លូវការ)

+ ទីតាំងផ្តល់សេវា នៅទីស្នាក់ការផ្តល់សេវាអត្តសញ្ញាណប័ណ្ណសញ្ជាតិខ្មែរ និង ផ្តល់សេវាលិខិតឆ្លងដែន ជាន់ទី ៣ ផ្សារទំនើបអ៊ីអនម៉លមានជ័យ (អ៊ីអន៣) ស្ថិតនៅមហាវិថីសម្តេចតេជោ ហ៊ុន សែន (ផ្លូវ៦០ម៉ែត្រ) ភូមិព្រែកតាឡុង ៣ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ១២៣៥៣ ។

លោកអ្នកក៏អាចទាក់ទងសួរនាំព័ត៌មានបន្ថែម តាមរយៈទូរស័ព្ទលេខ ០៧៧ ៥១៧ ៧៧៦ (ទីស្នាក់ការផ្តល់សេវាអត្តសញ្ញាណប័ណ្ណសញ្ជាតិខ្មែរ) ០១១ ៥៨២ ២៧៧ (ទីស្នាក់ការផ្តល់សេវាលិខិតឆ្លងដែន)៕

សូមអានសេចក្ដីលម្អិតនៅខាងក្រោម ៖