កន្លងទៅនេះ បេឡាជាតិសន្តិសុខសង្គម បានចេញសេចក្តីជូនដំណឹង ឱ្យបានដឹងថា ប.ស.ស. បានបញ្ចប់កិច្ចព្រមព្រៀងស្តីពីការប្រើប្រាស់ និង ការផ្តល់សេវាសុខាភិបាល ជាមួយមូលដ្ឋានសុខាភិបាលឯកជន ចំនួន ៥។
ក្នុងនោះ មូលដ្ឋានសុខាភិបាលឯកជនទាំង ៥ នោះ មានឈ្មោះ និង អាសយដ្ឋានដូចខាងក្រោម ៖
– មន្ទីរសម្រាកព្យាបាល ណុមា ផ្ទះលេខ ២០ ផ្លូវលេខ ១២០K សង្កាត់សំរោងក្រោម ខណ្ឌពោធិ៍សែនជ័យរាជធានីភ្នំពេញ។
– មន្ទីរពេទ្យ យី គក់ ផ្លូវលេខ ១៥៤ សង្កាត់វត្តគរ ក្រុងបាត់ដំបង ខេត្តបាត់ដំបង។
– មន្ទីរពហុព្យាបាល ព្រះវិហារ សង្កាត់កំពង់ប្រណាក ក្រុងព្រះវិហារ ខេត្តព្រះវិហារ។
– គ្លីនិកម៉ារីស្តូប ច្បារអំពៅ ផ្ទះលេខ ១៥ ផ្លូវជាតិលេខ ១ សង្កាត់ច្បារអំពៅទី ២ ខណ្ឌច្បារអំពៅ រាជធានីភ្នំពេញ។
– មន្ទីរព្យាបាលភ្នែក ហូសេង ភ្នំពេញ ផ្ទះលេខB2-០៩០ ផ្លូវកោះពេជ្រ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
ដូចនេះ សមាជិក ប.ស.ស. អាចអញ្ជើញទៅប្រើប្រាស់សេវា នៅមូលដ្ឋានសុខាភិបាលផ្សេងទៀត ដែលជាដៃគូរបស់ ប.ស.ស. ដែលមានទីតាំងស្ថិតនៅក្បែរមូលដ្ឋានសុខាភិបាលខាងលើ ខណៈករណីចូលប្រើប្រាស់សេវានៅមូលដ្ឋានសុខាភិបាលដែលបានបញ្ចប់កិច្ចព្រមព្រៀង គឺជាបន្ទុកចំណាយផ្ទាល់របស់អ្នកជំងឺ៕
