ថ្មីៗនេះ មានករណីរបស់នារីជនជាតិតៃវ៉ាន់ម្នាក់ បានមានកើតបញ្ហាធ្លុះក្រពះ រហូតត្រូវចូលវះកាត់បន្ទាន់ ក្រោយពីមានទម្លាប់ផឹកកាហ្វេដោយមិនទទួលទានអាហារពេលព្រឹកជាប្រចាំ។
តាមព័ត៌មានបានឱ្យដឹងថា នារីរូបនេះមានវ័យ ២៤ ឆ្នាំ មកពីទីក្រុង Taoyuan ទឹកដីតៃវ៉ាន់។ នាងតែងមានទម្លាប់ផឹកកាហ្វេឡាតេនៅពេលព្រឹកខណៈពេលពោះនៅទទេ ដោយមិនទទួលទានអាហារឡើយ ដោយជឿថាវាល្អសម្រាប់ក្រពះរបស់នាង និង ជួយឱ្យនាងស្រកគីឡូ។ ក្រោយមក ស្រាប់តែនាងចាប់ផ្តើមធុំអាហារ ស្រកគីឡូ ក្អួតចង្អោរ និង ឈឺពោះជាប្រចាំ ហើយអាការទាំងនេះក៏កាន់តែធ្ងន់ធ្ងរទៅៗ រហូតនាងត្រូវបញ្ជូនទៅមន្ទីរពេទ្យ។
យ៉ាងណាមិញ គ្រូពេទ្យបានធ្វើរោគវិនិច្ឆ័យ ឃើញថាក្រពះរបស់នាងបានធ្លុះ ដោយសារតែដំបៅរ៉ាំរ៉ៃកើតចេញពីការរលាកក្នុងរយៈពេលយូរ ដោយមិនបានទទួលការព្យាបាលឱ្យត្រឹមត្រូវ តែសំណាងល្អ នាងត្រូវបានគ្រូពេទ្យជួយសង្រ្គោះទាន់ពេលវេលា ដោយបានធ្វើការវះកាត់ជាបន្ទាន់៕
ប្រភព៖ Sanook
