ការថើបបឺតមាត់គ្នា គឺជានិមិត្តសញ្ញាមួយដែលបង្ហាញនូវក្តីស្រឡាញ់រវាងគូស្នេហ៍មួយគូដែលមានទំនាក់ទំនងស្នេហាជាមួយគ្នា តែការថើបបឺតមាត់ក៏ជាជារឿងដែលគួរឱ្យខ្លាច និង គួរឱ្យប្រុងប្រយ័ត្នបំផុតដែរចំពោះមនុស្សមួយចំនួន ព្រោះការថើបបឺតមាត់គ្នាអាចបណ្តាលឱ្យពុកធ្មេញបាន តើការលើកឡើងនេះពិតជាត្រឹមត្រូវដែរឬទេ?
ពាក់ព័ន្ធជុំវិញរឿងនេះ បើតាមលោកសាស្ត្រាចារ្យ Dr. Panita Thanyasrisang ដែលជាសាស្ត្រាចារ្យនៃនាយកដ្ឋានមីក្រូជីវសាស្ត្រ និង សាស្ត្រាចារ្យ Dr. Pasawat Wiriyakitja ជាសាស្ត្រាចារ្យនៅនាយកដ្ឋានឱសថមាត់ធ្មេញមហាវិទ្យាល័យទន្តសាស្ត្រ នៃសាកលវិទ្យាល័យ Chulalongkorn បានបកស្រាយការពិតមួយ ក្រោយមានសំណួរមួយផ្ទុះឡើងថា តើជំងឺពុកធ្មេញជាអ្វី ហើយបង្កឡើងពីអ្វី?
ជាមួយគ្នានោះ លោកសាស្រ្តាចារ្យទាំងពីរបាននិយាយថា បញ្ហាពុកធ្មេញគឺជាជំងឺមួយដែលគ្រោងធ្មេញត្រូវបានបំផ្លាញដោយមេរោគ និង បាក់តេរីផ្សេងៗ មិនតែប៉ុណ្ណោះជំងឺពុកធ្មេញវាអាចកើតចេញពីមូលហេតុផ្សេងៗហៅថា Dental biofilm។ ដោយឡែក Dental biofilm ទាំងនោះរួមមាន ការញុំាអាហារដែលមានជាតិស្ករខ្ពស់, ញុំាមិនទៀងចិបចុបច្រើន សុទ្ធតែពពួកអាហារដែលផ្អែម ពោលគឺ បញ្ហាទាំងអស់នេះហើយក៏អាចបណ្តាលឱ្យពុកធ្មេញបានដែរ។
លើសពីនេះទៅទៀតនោះ អ្វីដែលសំខាន់អ្នកជំនាញបានបកស្រាយចម្ងល់ខាងលើមួយដំណាក់ៗថា មេរោគនៅក្នុងអញ្ចាញធ្មេញផ្នែកខាងក្នុងជាផ្នែកមួយដែលបង្កឱ្យធ្មេញពុកបានដូចគ្នា។ ចំណែក រវាងដៃគូស្នេហាណាដែលចូលចិត្តបឺតមាត់គ្នាវិញក៏អាចបណ្តាលឱ្យពុកធ្មេញ ហើយមានក្លិនដែរ ព្រោះនៅពេលដែលទឹកមាត់មនុស្សពីរនាក់រួមបញ្ជូលគ្នាតាមរយៈការបឺត ឬ ថើបមាត់ហើយនោះ មេរោគដែលមានក្នុងទឹកមាត់ទាំងប៉ុន្មានអាចទៅបង្កឱ្យប៉ះពាល់ដល់ធ្មេញធ្វើឱ្យពុកផុយ និង មានក្លិនបានយ៉ាងងាយផងដែរ៕
