កាលពីថ្ងៃទី ១៣ ខែកុម្ភៈ ឆ្នាំ ២០២៥ កន្លងទៅ ធនាគារអេស៊ីលីដា បានជូនដំណឹងមួយឱ្យអ្នកប្រើប្រាស់សេវាកម្មបង្កើនការប្រុងប្រយ័ត្ន ដោយកុំផ្ទេរប្រាក់ទៅមនុស្សដែលអ្នកមិនស្គាល់ ខណៈខាងបុគ្គលិកធនាគារពុំមានគោលការណ៍ទាក់ទងលោកអ្នកដើម្បីសួរអំពីលេខគណនី លេខសម្ងាត់ផ្ទាល់ខ្លួន ឬក៏ព័ត៌មានផ្ទាល់ខ្លួនរបស់លោកអ្នកឡើយ។
តាមរយៈសេចក្ដីជូនដំណឹង ធនាគារអេស៊ីលីដា បានណែនាំឱ្យអ្នកប្រើប្រាស់ប្រុងប្រយ័ត្ន កុំផ្ទេរប្រាក់ទៅមនុស្សដែលអ្នកមិនធ្លាប់ស្គាល់ ទាំងក្នុង និង ក្រៅប្រទេស ក្នុងគោលបំណងដើម្បីទូទាត់ ឬ ទទួលបានផលប្រយោជន៍អ្វីមួយពីអ្នកទាំងនោះ។
ខាងធនាគារបានឱ្យដឹងទៀតថា ៖ «សូមចងចាំថាបុគ្គលិកធនាគារ អេស៊ីលីដា នឹងមិនទាក់ទងលោកអ្នកដើម្បីសួរអំពីលេខគណនី លេខសម្ងាត់ផ្ទាល់ខ្លួន ឬក៏ព័ត៌មានផ្ទាល់ខ្លួនរបស់លោកអ្នក តាមរយៈអ៊ីម៉ែល ឬ ទូរសព្ទនោះទេ។ ធនាគារក៏មិនទាក់ទងលោកអ្នក ដើម្បីស្នើសុំឱ្យលោកអ្នកផ្ទេរប្រាក់ទៅកាន់អ្នកណាម្នាក់ ឬ ទៅកាន់គណនីណាមួយឡើយ»៕
