មហាជនអ្នកប្រើប្រាស់បណ្ដាញសង្គម បាននាំគ្នាចូលរួមរំលែកទុក្ខ និង សម្ដែងក្ដីសោកស្ដាយជំនួសក្រុមគ្រួសារសព បន្ទាប់ពីមានករណីបុរសម្នាក់ខ្យល់គកណ្ដាលថ្ងៃត្រង់ បណ្ដាលឱ្យបាត់បង់ជីវិត ចាកចោលភរិយាដែលកំពុងរួមដំណើរជាមួយ គួរឱ្យស្រណោះ និង សោកសង្រេងបំផុត។
ករណីដ៏សោកសង្រេងនេះ ត្រូវបានបង្ហោះដោយគណនីដែលមានឈ្មោះ Rin Ratanak នៅរសៀលថ្ងៃទី ២៥ ខែមិថុនា ឆ្នាំ ២០២៥ នេះ ដែលបានបញ្ជាក់ជាបឋមឱ្យបានដឹងថា នៅវេលាម៉ោង ១២ ថ្ងៃត្រង់ ថ្ងៃទី ២៥ ខែមិថុនា ឆ្នាំ ២០២៥ មានករណីបុរសម្នាក់ ដែលកំពុងតែបើកម៉ូតូលក់ប្រហិត ជាមួយភរិយា ស្រាប់តែខ្យល់គ បណ្ដាលឱ្យបាត់បង់ជីវិត គួរឱ្យស្រណោះអាសូរ។
តាមប្រភពបានបញ្ជាក់ឱ្យដឹងបន្ថែមថា ហេតុការណ៍ដ៏នឹកស្មានមិនដល់នេះ បានកើតឡើងនៅត្រង់ចំណុចតាមបណ្ដោយផ្លូវលេខ ៥៩២ ស្ថិតក្នុងសង្កាត់បឹងកក់ ២ ខណ្ឌទួលគោក រាជធានីភ្នំពេញ៕
