ប្រណីតល្អល្អះ! ប្រ៊េនសម្លៀកបំពាក់កូនខ្មែរ ឡើងបង្ហាញម៉ូដដល់អាមេរិក ពិភពលោកកំពុងផ្ទុះការចាប់អារម្មណ៍

Almée គឺជាម៉ាកសម្លៀកបំពាក់បង្កើតឡើងដោយកូនខ្មែរ ដែលមានស្ថាបនិកវ័យក្មេងគឺ កញ្ញា Sokhong Taing។ ម៉ាកសម្លៀកបំពាក់នេះ ផ្តោតលើឈុតបែប Couture ឬ ឈុតប្រណីតខ្លាំងផ្តាច់មុខ ដែលបង្ហាញពីសិល្បៈ និង វប្បធម៌ ដ៏មានកិត្យានុភាព។​

មិនត្រឹមតែលេចធ្លោក្នុងស្រុក ឥលូវនេះម៉ាកសម្លៀកបំពាក់ Almée បានបោះជំហានទៅកាន់ឆាកអន្តរជាតិ ដោយបានបង្ហាញខូឡិកហ្សិនថ្មី នៅក្នុងកម្មវិធីបង្ហាញម៉ូដដ៏ធំគឺ New York Fashion Week 2025 នៅឯសហរដ្ឋអាមេរិក។

នៅលើវិថី runway ស្ថាបនិក Almée បានបង្ហាញខូឡិកហ្សិនឈ្មោះថា “Spirit of the Forgotten“ សម្រាប់និទាឃរដូវ និង រដូវក្តៅឆ្នាំ ២០២៦  ឬ Almée Couture Spring/Summer 2026 ។

ខូឡិកហ្សិនមានប្រមាណ ២០ ឈុត ក្នុងនោះឈុតនីមួយៗ ពិតជាលម្អិតខ្លាំងជាមួយការឌិនដាំត្បូងយ៉ាងប្រណីត អមដោយការបង្ហាញពីសិល្បៈ វប្បធម៌ និង ភាពច្នៃប្រឌិតស៊ីវិល័យ ជាពិសេស មានឈុតមួយបានបង្ហាញយ៉ាងច្បាស់នូវប្រាសាទអង្គរវត្តរបស់កម្ពុជាយើង៕