មិនខុសពីសិល្បករដទៃនោះឡើយ នៅក្នុងឱកាសបុណ្យចូលឆ្នាំប្រពៃណីខ្មែរកាន់តែខិតកៀកជិតមកដល់នោះ កំពូលតារាចម្រៀង ឱក សុគន្ធកញ្ញា ក៏បានបញ្ចេញបទចម្រៀងប្រពៃណី ដើម្បីអបអរសាទរ និង ជាកាដូជូនដល់អ្នកគាំទ្រក្នុងឱកាសឆ្នាំថ្មីដូចគ្នាដែរ។ ក្នុងនោះ ចម្រៀងអបអរឆ្នាំថ្មីរបស់កំពូលតារាចម្រៀងខាងលើ មានចំណងជើងថា «សង្ក្រាន្តមកដល់ហើយ» ដែលបានចេញ MV រួចរាល់ដែរ។
យ៉ាងណាមិញ មិនត្រឹមតែបទចម្រៀងពីរោះ បែបប្រពៃណីសម្រាប់ការរាំកម្សាន្តរបស់អ្នកគាំទ្រនោះទេ អ្នកនាង ឱក សុគន្ធកញ្ញា ក៏បានធ្វើឱ្យអ្នកគាំទ្រលាន់មាត់សរសើរនឹងរូបសម្រស់របស់ម៉ាក់ៗអភិជនកូន ២ រូបនេះ ក្នុងឈុតប្រពៃណីចំនួន ៣ ឈុត បានបង្ហាញក្នុង MV «សង្ក្រាន្តមកដល់ហើយ»។ ក្នុងនោះ ទាំងរូបសម្រស់ ទាំងឈុតសម្លៀកបំពាក់ ពីមួយឈុតទៅមួយឈុតរបស់អ្នកម៉ាក់ អូន ឆលី និង Presley ពិតជាសមសួនណាស់៕
