ប្រជាជនថៃភាគច្រើនគាំទ្រចង់ឱ្យលោក ប្រាយុទ្ធ ចាន់អូចា ត្រឡប់មកកាន់ដំណែងជានាយករដ្ឋមន្ត្រីវិញ

កាលពីថ្ងៃទី ២៩ ខែសីហា ឆ្នាំ ២០២៥ នេះ តុលាការធម្មនុញ្ញថៃបានសម្រេចដកហូតតំណែងនាយករដ្ឋមន្ត្រីពីលោកស្រី Paetongtarn Shinawatra ជាផ្លូវការ ជុំវិញករណីបែកធ្លាយសារសំឡេងឆ្លងឆ្លើយជាមួយនឹងសម្តេច ហ៊ុន សែន ទាក់ទងនឹងបញ្ហាព្រំដែនកម្ពុជា-ថៃ​កាលពីពេលកន្លងទៅ។

បន្ទាប់លោស្រី Paetongtarn បានចាកចេញពីដំណែងនេះ តាមព័ត៌មានបានឱ្យដឹងថា មានបេក្ខភាពនាយករដ្ឋមន្ត្រីដែលនៅសល់ចំនួន ៥ នាក់ នឹងជាប់ឈ្មោះក្លាយជានាយករដ្ឋមន្ត្រីបន្ទាប់។ ក្នុងនោះមានដូចជាលោក Prayut Chans-o-cha, លោក Anutin Charnveerakul មេដឹកនាំគណបក្សប្រឆាំង Bhumjai Thai និង Chaikasem Nitisiri មកពីបក្ស Pheu Thai រួមទាំងលោក Jurin Laksanawisit មកពីបក្សប្រជាធិបតេយ្យ។

ដោយឡែក បើមើលតាមសំឡេងនៅតាមបណ្តាញសង្គម គេសង្កេតឃើញថាប្រជាជនភាគច្រើនបាននាំគ្នាគាំទ្រឱ្យលោក Prayut Chans-o-cha ត្រឡប់មកកាន់ដំណែងជានាយករដ្ឋមន្រ្តីវិញ នេះដោយសារតែប្រជាជនអាចគិតថាលោកធ្លាប់កាន់ដំណែងនេះរួចហើយ ទើបលោកមានបទពិសោធអាចនឹងជួយប្រទេសថៃនៅក្នុងការចលាចលនេះបាន៕

ប្រភព៖ Khaosod