បន្ទាប់ពីកម្មវិធីប្រគំតន្រ្តីដ៏អស្ចារ្យ «ត្រីវិស័យសុវណ្ណភូមិ» បានបញ្ចប់ដោយរលូត និង ជោគជ័យ នៅថ្ងៃទី ១៩ ខែឧសភា ឆ្នាំ ២០២៥ នេះ កំពូលតារាចម្រៀងរ៉េប វណ្ណដា បានធ្វើឱ្យមហាជនលើបណ្ដាញសង្គមផ្ទុះចាប់អារម្មណ៍តាមដាន និង បញ្ចេញមតិព្រោងព្រាតពេញហ្វេសប៊ុក ខណៈបានឃើញគណនីហ្វេសប៊ុករបស់កំពូលតារាចម្រៀងរូបនេះ បង្ហោះសារ និង ចែករំលែកការផុសផ្សេងៗជាហូរហែ។
ក្នុងនោះ តាមរយៈការចែករំលែកផ្សេងៗរបស់ផលិតកម្មបារមី ក៏បានឱ្យដឹងថាជាថ្ងៃដែលកំពូលតារាចម្រៀងរូបនេះ សម្រាកពេញមួយថ្ងៃ បន្ទាប់ពីប្រគំតន្រ្តី និង បញ្ចប់ការធ្វើអាល់ប៊ុមបទចម្រៀងរបស់ខ្លួនដោយជោគជ័យ ដែលលោកក៏បានចាយពេលនៅលើហ្វេសប៊ុកចែករំលែក និង ជជែកលេងជាមួយអ្នកគាំទ្រយ៉ាងសកម្ម និង គួរឱ្យស្រឡាញ់ខ្លាំង។
លើសពីនេះ ងាកទៅមើលម្ចាស់បេះដូងរបស់កំពូលតារាចម្រៀងរ៉េបរូបនេះវិញ កាន់តែគួរឱ្យស្រឡាញ់ថែមទៀត ខណៈផ្ទុះការចែករំលែកពីបណ្ដាអ្នកគាំទ្រជាច្រើនដោយបានឱ្យ Lauryn ជួយដកទូរស័ព្ទរបស់លោក វណ្ណដា ទុក ព្រោះចែករំលែកមិនព្រមឈប់ ពេលនោះដែរ គេក៏បានឃើញហ្វេសប៊ុក Lauryn បង្ហោះពីសង្សារបណ្ដូលចិត្ត ដែលបានដកទូរស័ព្ទលោកទុក និង ឱ្យលោកសម្រាក ព្រមទាំងចំណាយពេលដើរលេងជាមួយគ្នាយ៉ាងសាមញ្ញផ្អែមល្ហែមទៀតផង៕
