និយាយពីស្រីស្អាត ហេង បូនីកា បច្ចុប្បន្នជាតារាសម្ដែងស្រីវ័យក្មេង និង ជាពិធីការិនី មានប្រជាប្រិយភាពមួយរូបក្នុងវិស័យសិល្បៈ ដែលត្រូវបានមហាជនអ្នកគាំទ្រចូលចិត្តតាមដានទាំងសិល្បៈ និង ជីវិតឯកជនផ្សេងៗ។
បើចាប់អារម្មណ៍លើរឿងស្នេហាវិញ កន្លងមក ហេង បូនីកា ក៏មិនធ្លាប់ឃើញបើកបង្ហាញចំណងស្នេហាជាសាធារណៈឡើយ ដែលភាគច្រើនត្រូវអ្នកគាំទ្រមានការតាមដានសង្ស័យមានទំនាក់ទំនងពិសេសជាមួយតារាសម្ដែងប្រុសរូបសង្ហា វ៉ាន់ ដាវីត ដែលពួកគេតែងបង្ហាញសកម្មភាពស្និទ្ធស្នាលផ្អែមល្ហែមនឹងគ្នាខុសមិត្តរួមការងារធម្មតា។
យ៉ាងណាមិញ កន្លងមក តារាស្រីរូបនេះ ក៏បានបញ្ជាក់ចំពោះទំនាក់ទំនងរវាងអ្នកទាំងពីរ មិនមែនជាស្នេហាឡើយ ដោយគ្រាន់តែជាមនុស្សយល់ចិត្ត ស្និទ្ធស្នាល និង ជួយទុក្ខធុរៈផ្សេងៗប៉ុណ្ណោះ។
ដោយឡែក មកដល់ថ្មីៗនេះ ហេង បូនីកា ក៏បានធ្វើឱ្យមហាជនអ្នកគាំទ្រចាប់អារម្មណ៍រំភើបអបអរ ខណៈបានឃើញ Story ហ្វេសប៊ុករបស់នាង បង្ហោះពីទំនាក់ទំនងស្នេហា ដែលអាចជាស្នេហា private រវាងនាងជាមួយបុរសណាម្នាក់ជាង ១ ឆ្នាំ គឺមានចំនួន ៤៤៤ ថ្ងៃហើយ។ ក្នុងនោះ កញ្ញា ហេង បូនីកា ក៏ពុំបានបង្ហាញមុខមាត់គូស្នេហ៍ឱ្យមហាជនបានឃើញនៅឡើយ ដោយនាងគ្រាន់តែបង្ហាញឱ្យដឹងថាមានម្ចាស់បេះដូង តាមរយៈសារសរសេររៀបរាប់លើ Story ហ្វេសប៊ុក ថា ៖ « Love 444 days You and Me»៕
