នៅថ្ងៃទី ៩ ខែកក្កដា ឆ្នាំ ២០២៥ នេះ ជាមេទ័ពភូមិភាគ ២ របស់ថៃ Boonsin Padklang បានប្រកាសឱ្យដឹងថា ក្រោយពីចូលនិវត្តហើយ ខ្លួននឹងមិនប្រឡូកក្នុងរឿងនយោបាយឡើយ តែនឹងធ្វើជាពលរដ្ឋល្អសម្រាប់ប្រទេសជាតិ និង សង្គម ហើយនឹងជួយឱ្យប្រទេសចម្រើនរុងរឿងឱ្យដូចប្រទេសអន្តរជាតិដទៃទៀត។
ក្នុងនោះ Boonsin Padklang បានប្រកាសឱ្យដឹងពីរឿងនេះ នៅក្នុងពិធីបើកបវេសនកាលរបស់សិស្សនិស្សិតនៅក្នុងសាកលវិទ្យាល័យ Nakhon Ratchasima នាខេត្ត Nakhon Ratchasima ក្រោយពីមាននិស្សិតសួរថាលោកចាប់អារម្មណ៍ក្នុងរឿងនយោបាយទេ បន្ទាប់ពីចូលនិវត្តន៍ទៅ។
Boonsin Padklang បានផ្តល់ចម្លើយយ៉ាងច្បាស់ថា លោកនឹងមិនប្រឡូកក្នុងរឿងនយោបាយក្រោយពេលចូលនិវត្តន៍នោះទេ តែលោកបានត្រៀមខ្លួនរួចជាស្រេច ដើម្បីក្លាយជាពលរដ្ឋល្អក្នុងសង្គម ពលរដ្ឋល្អសម្រាប់ប្រទេស ជាអ្នកជួយឃ្លាំមើល និង ជាសំឡេងតែមួយ ក្នុងការជួយឱ្យប្រទេសមានភាពរីកចម្រើនទៅមុខដូចជាប្រទេសដទៃទៀតនៅអន្តរជាតិ៕
ប្រភព៖ Khaosod
