ប៉ាម៉ាក់ចង់ឱ្យកូនៗរៀនខាងសិល្បៈ! សាលាមធ្យមវិចិត្រសិល្បៈ កំពុងចែកពាក្យប្រឡងរើសសិស្សចូលរៀនឥតគិតថ្លៃ លើឯកទេស ៥ មុខនេះ

នៅថ្ងៃទី ០២ ខែកញ្ញា ឆ្នាំ ២០២៥ នេះ សាលាមធ្យមវិចិត្រសិល្បៈ បានចេញសេចក្តីជូនដំណឹងឱ្យបានដឹងថា ក្នុងឆ្នាំសិក្សា ២០២៥-២០២៦ ខាងមុខនេះ សាលានឹងរៀបចំការប្រឡងជ្រើសរើសសិស្សានុសិស្សឱ្យចូលរៀនដោយឥតបង់ថ្លៃ ទៅតាមមុខជំនាញសិល្បៈ និង លក្ខខណ្ឌមួយចំនួន។

ក្នុងនោះ ចំពោះឯកទេសសិល្បៈដែលជ្រើសរើស គឺសិស្សត្រូវបញ្ចប់ថ្នាក់ទី ៣ ឡើងទៅពីសាលាខាងក្រៅ ដែលឯកទេសមានដូចជា ៖

១. សាលាតូរ្យតន្ត្រី

២. សាលាសិល្បៈសូនរូប

៣​. សាលារបាំ

៤. សាលាល្ខោន

៥. សាលាសៀក

គួរឱ្យដឹងថា ខាងសាលាចែកពាក្យប្រឡង និង ទទួលពាក្យប្រឡងចាប់ពីថ្ងៃជូនដំណឹងនេះ រហូតដល់ថ្ងៃទី ៧ ខែតុលា ឆ្នាំ ២០២៥ ខណៈកាលបរិច្ឆេទប្រឡងធ្វើឡើងនៅថ្ងៃទី ១៥ ខែតុលា ឆ្នាំ ២០២៥ (ប្រឡងវិញ្ញាសាចំណេះទូទៅ និង បច្ចេកទេស)។ ចំពោះកន្លែងចែកពាក្យ និង ទទួលពាក្យប្រឡង គឺនៅការិយាល័យសិក្សានៃសាលាមធ្យមវិចិត្រសិល្បៈ ដែលមានទីតាំងនៅផ្លូវឧកញ៉ាម៉ុងឫទ្ធី ភូមិឧកញ៉ាវាំង សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ ចំពោះព័ត៌មានលម្អិត សូមទាក់ទងតាមលេខទូរសព្ទ ០៨៩ ២៥៥ ៣៨៨/០៩៦៥៦៨៣៤៥២៕

សូមអានសេចក្ដីលម្អិតបន្ថែមនៅខាងក្រោម ៖