ក្រោយពីជម្រុះតាមរយៈរូបថត Online ហើយនោះ ទីបំផុតកញ្ញា អេនណា រ៉ូស បានក្លាយទៅជាបេក្ខនារីផ្លូវការនៃការប្រកួត Miss Supranational Cambodia 2025 ហើយ។ ក្នុងនោះដែរ មុននឹងវគ្គជម្រុះបន្តឈានមកដល់ កញ្ញា អេនណា រ៉ូស ធ្លាប់បានបង្ហាញឆន្ទៈ និង ការប្រឹងប្រែងរបស់នាងក្នុងនាមជាបវរកញ្ញាមួយរូប ដោយការចូលរួមប្រកួតនេះ កញ្ញា អេនណា រ៉ូស មានបំណងមកយកមកុដ។
លើសពីនោះ បេក្ខនារី Miss Supranational Cambodia 2025 អេនណា រ៉ូស បានបន្ថែមថា រាងកាយដ៏រឹងមាំមួយរបស់នាងមួយនេះ ត្រៀមខ្លួនរួចជាស្រេចក្នុងការប្រកួតប្រជែងក្នុងកម្មវិធីនេះហើយដែរ។ ជាក់ស្តែង នៅថ្ងៃបង្ហាញវត្តមានផ្លូវការ និង ការបំពាក់ឆៀងនោះ បេក្ខនារី Miss Supranational Cambodia 2025 អេនណា រ៉ូស បានធ្វើឱ្យមហាជនឃើញពីសមត្ថភាព និង ភាពជឿជាក់របស់នាងកាន់តែច្បាស់ផងដែរ។
ដោយឡែក ងាកទៅកាន់ការគាំទ្រឯណោះវិញ ស្របពេលមានការរិះគន់បន្តិចបន្តួចមែន ប៉ុន្តែ អេនណា រ៉ូស ហាក់ទទួលបានការគាំទ្រ និង ផ្តល់កម្លាំងចិត្តយ៉ាងច្រើនដល់នាង ក្នុងការចូលរួមប្រកួតនេះ។ ក្នុងនោះ គ្រប់គ្នាបានសរសើរដល់ឆន្ទៈ និង ភាពក្លាហានរបស់ អេនណា រ៉ូស ទៀតផង។
គួរឱ្យដឹងដែរថា ខណៈពេលនេះ បេក្ខនារី Miss Supranational Cambodia 2025 អេនណា រ៉ូស កំពុងតែដុសខាត់សមត្ថភាពបន្ថែមទៀត លើចំណេះដឹង ជាមួយនឹងការដើរ ដែលទទួលបានពីការបង្ហាត់បង្ហាញពី Top 10 Miss Cosmo International 2024 អ៊ិន លក្ខិណា៕
