បន្ទាប់ពីមានផេកមួយនៅថៃឈ្មោះ ลูกค้าคือบร๊ะเจ้า បានចែកចាយថាកម្ពុជាបន្លំលួចដាក់ឈុតមង្គលការ ដែលជាឈុតថៃ ជាមួយនឹងពិធីរៀបពិពាហ៍ពិពាហ៍ទៅក្នុងសម្បត្តិបេតកភណ្ឌពិភពលោក ពេលនេះសារព័ត៌មាន AMARIN TV បានលូកមាត់ ហើយផ្សព្វផ្សាយចោទខ្មែរបន្ថែមទៀតដោយមិនខ្មាសមាត់សោះ។
ក្នុងនោះ សារព័ត៌មាន AMARIN TV បានសរសេរនៅលើឃ្លីបវីដេអូខ្លីមួយថា ខ្មែរចង់ក្លាយជាថៃ លួចបន្លំដាក់ពិធីរៀបការ និង ឈុតថៃ ទៅក្នុងសម្បត្តិបេតិកភណ្ឌពិភពលោក។ ដោយឡែក ក្នុងវីដេអូនោះវិញ អ្នកសារព័ត៌មានថៃបាននិយាយពីបញ្ហាដែលផេក ลูกค้าคือบร๊ะเจ้า បានលើកឡើង ដោយយល់ឃើញ និង ចោទខ្មែរបានចម្លងពីឈុតថៃទៅដាក់ក្នុងបញ្ជីបេតិកភណ្ឌពិតមែន ហើយនាងបានអំពាវឱ្យរដ្ឋមន្រ្តីក្រសួងវប្បធម៌ គឺលោកស្រី Paethongtarn ប្រញាប់ដោះស្រាយ បើមិនដូចច្នោះទេកម្ពុជានឹងយកឈុតនេះទៅបាន។
យ៉ាងណាមិញ មហាជននៅបណ្តាញសង្គមខ្មែរពិតជាមានការហួសចិត្តមិនតិចឡើយ ដែលក្រុមជនជាតិថៃនៅតែមានរឿងច្រណែនក្តៅក្រហាយចំពោះកម្ពុជាមិនដែលបាត់មួយរឿងសោះ ជាពិសេសគឺរឿងឈុតស្បៃនេះ ដោយជនជាតិថៃប្រកែកដាច់អហង្ការនេះវាគឺជាឈុតប្រពៃណីរបស់ខ្លួនតែម្នាក់គត់៕
ប្រភព៖ AMARINTV
