បេះដូងស្រឡាញ់កម្ពុជា! អ្នកច្នៃម៉ូដបរទេសទាំងនេះ នាំគ្នាបណ្ដាក់ទុនបង្កើត​ប្រ៊េនសម្លៀកបំពាក់លំដាប់ខ្ពស់ ជាផ្នែកដ៏សំខាន់ជំរុញវិស័យហ្វេហ្សិនក្នុងស្រុក

បច្ចុប្បន្ន ពាក្យថា​ «ហ្វេហ្សិន» នៅកម្ពុជា ហាក់មានការស្គាល់កាន់តែទូលំទូលាយ ខណៈដែលអ្នកច្នៃម៉ូដបរទេសជាច្រើន ក៏បានមកបណ្តាក់ទុនបង្កើតប្រ៊េនក្នុងស្រុកជាបន្តបន្ទាប់។​ ចំណោមប្រ៊េនល្បីៗបង្កើតឡើងដោយជនបរទេស ក្នុងនោះយើងសូមលើកពីប្រ៊េនចំនួន ៦ ដែលសម្លៀកបំពាក់របស់ពួកគេ មើលមកលំដាប់ខ្ពស់ ហើយក៏រមែងបង្ហាញវត្តមានក្នុងព្រឹត្តិការណ៍ហ្វេហ្សិនធំៗនៅកម្ពុជា។​

១. ម៉ាក DON PROTASIO

ម៉ាកនេះត្រូវបានបង្កើតឡើងដោយអ្នកច្នៃម៉ូដជនជាតិហ្វីលីពីន គឺ លោក DON PROTASIO ដែលគេស្គាល់ជាអ្នករៀបចំព្រឹត្តិការណ៍បង្ហាញម៉ូដដ៏ធំបំផុតនៅកម្ពុជា Phnom Penh Designers Week។ លោកបានមករស់នៅ និង បង្កើតម៉ាកនេះនៅកម្ពុជាអស់រយៈពេលជាង ១០ ឆ្នាំមកហើយ។

២. ម៉ាក A.N.D.

បង្កើតឡើងនៅឆ្នាំ ២០១១ ដោយអ្នកច្នៃម៉ូដពីររូបគឺ លោក Alen James Flux និង លោក Min Yusof ម៉ាកនេះគំាទ្រដល់អ្នកតម្បាញ និង សិប្បករតាមភូមិទូទាំងប្រទេស។

៣. ម៉ាក AMBRE MEN

ម៉ាកនេះកាន់កាប់ដោយ អ្នកច្នៃម៉ូដ លោក Thomas Jaffre។

៤. ម៉ាក Drewe Taylor Designs

ម៉ាកនេះបង្កើតឡើងដោយអ្នកច្នៃម៉ូដ Ryan Drewe Taylor ដោយផ្តោតលើសម្លៀកបំពាក់បុរស និង នារី។ ជាទូទៅលេងម៉ូដបែបក្រណាត់បោះពុម្ព និង រំលេចពណ៌ មើលមករីករាយ និង ទាន់សម័យ អមដោយក្រណាត់ប្រណីត ដែលមានប្រភពមកពីជុំវិញពិភពលោក។

៥. ម៉ាក COMERCI

ម៉ាកនេះបានសម្ពោធនៅទីក្រុងភ្នំពេញកាលពីឆ្នាំ ២០២៣ ដែលស្ថាបនិកគឺ លោក Eric Comerci ជនជាតិអាហ្សង់ទីន។ ម៉ាក COMERCI តំណាងឱ្យយុវវ័យ ជាការឌីហ្សាញបែបសិល្បៈ អាចស្លៀកពាក់បានទាំងបុរស និង នារី។ ចំណែករាងរៅនៃការឌីហ្សាញ រមែងតែស៊ីគ្នាជាមួយទំនោរនិយមថ្មី (trend) និង ហ្វេហ្សិនលំដាប់ខ្ពស់ ហើយក៏បត់បែនទៅតាមឧស្សាហកម្មហ្វេហ្សិនទំនើប។  ស្ទីលរបស់ COMERCI​ រួមបញ្ចូល ៤ យ៉ាង គឺ សិល្បៈ, ហ្វេហ្សិនឆ្ពោះទៅមុខ , អនាគតកាល និង ការឌីហ្សាញផ្លាស់ប្តូរថ្មី។

៦. ម៉ាក Alfredo vaez couture 

ស្ថាបនិកម៉ាកនេះជាជនជាតិបារាំង ដោយផ្តោតលើសម្លៀកបំពាក់ រ៉ូប និង ឈុតរ៉ូបអាពាហ៍ពិពាហ៍៕​