ជាការពិតណាស់ ក្រោយពីបានរកឃើញម្ចាស់ពាន MasterChef Cambodia រដូវកាលទី ៣ បានទៅលើលោក ឃួន សំអន ហើយនោះ អ្នកគាំទ្រ ក៏បានបង្ហាញអារម្មណ៍សោកស្តាយ និង កោតសរសើរទន្ទឹមគ្នា ដល់បេក្ខជន ២ រូប ផ្សេងទៀត គឺអ្នកនាង លីម លីនដា និង កញ្ញា ឆៃ តារាម៉ាលីន ដែលបានឈានជើងមកដល់ Top 3 នេះ។
ក្រឡេកទៅមើលម្ចាស់ពាន គឺលោក សំអន ត្រូវបានអ្នកគាំទ្រ ក៏ដូចជាមិត្តរួមប្រកួត Top 25 បានបង្ហោះសារអបអរដល់លោកជាបន្តបន្ទាប់ នៃការខិតខំប្រឹងប្រែងទទួលបានលទ្ធផលល្អប្រសើរ ដូចក្តីប្រាថ្នារបស់លោក។
ងាកមក អ្នកនាង លីម លីនដា ដ្បិតថាលទ្ធផលទទួលបានត្រឹម Top 2 MasterChef Cambodia រដូវកាលទី ៣ ក៏អ្នកនាងនៅតែរីករាយ ហើយបានបង្ហាញការសាទរដល់ សំអន ដែលជាម្ចាស់ពានចេញពីចិត្តថា៖ «អបអរសាទរ សំអន កូនពិតជាបានបំពេញនូវក្ដីបំណងប្រាថ្នារបស់កូនហើយ សូមជូនពរ សំណាងល្អ»៕
