ថ្មីៗនេះ អ្នកគាំទ្រតារាចម្រៀងរ៉េប លោក ទេព ពិសិដ្ឋ បាន និង កំពុងចាប់អារម្មណ៍ការបង្ហោះសាររបស់លោកមួយ ដែលលោកបានជ្រុះបាត់ស្លាកលេខឡានអស់រយៈពេលច្រើនថ្ងៃមកហើយនៅរកមិនទាន់ឃើញ។
ក្នុងនោះដែរ លោក ទេព ពិសិដ្ឋ បានឱ្យដឹងថា ស្លាកលេខឡានរបស់លោកបានជ្រុះបាត់កាលពីយប់ថ្ងៃទី ១០ ខែតុលា ឆ្នាំ ២០២៥ កន្លងទៅ អំឡុងពេលលោកបញ្ចប់ការងារ និង ធ្វើដំណើរពេលភ្លៀងខ្លាំងលិចក្នុងទីក្រុងភ្នំពេញ។
ជាក់ស្តែង បើតាមការបង្ហោះសារចុងក្រោយរបស់លោក នៅថ្ងៃទី ១២ ខែតុលា ឆ្នាំ ២០២៥ កន្លងទៅនេះ លោក ទេព ពិសិដ្ឋ នៅតែប្រកាសស្វែងរកបន្ត បើសិនជាមានបងប្អូនណាបានឃើញ ជួយផ្តល់ដំណឹងដល់លោកផង ដោយស្លាកជ្រុះនោះលេខ «កម្ពុជា TPS.V917»៕
