បើកទំព័រព្រឹកថ្ងៃ ១៤ កុម្ភៈ ដែលជាទិវានៃក្តីស្រលាញ់ អ្នកឧកញ៉ា គិត ម៉េង បានបង្ហោះសារបង្ហាញពីអារម្មណ៍យ៉ាងជ្រាលជ្រៅចំពោះឧត្តមភរិយា ដែលហាក់ពោរពេញទៅដោយភាពផ្អែមល្ហែម និង ក្តីស្រលាញ់អស់ពីបេះដូង។
ជាក់ស្តែង លោកបានសរសេររៀបរាប់ភ្ជាប់មកជាមួយរូបភាពយ៉ាងដូច្នេះថា៖ «ស្រលាញ់ភរិយារបស់ខ្ញុំរាល់ថ្ងៃ មិនមែនតែនៅថ្ងៃបុណ្យនៃក្តីស្រទ្បាញ់នោះទេ។ នៅថ្ងៃវិសេសវិសាលនេះ យើងអបអរសាទរក្ដីស្នេហ៍របស់យើងដោយបើកចំហថែមទៀត។ ខ្ញុំយកពេលវេលានេះបង្ហាញនូវចំណងស្នេហ៍ដ៏មានន័យ ដែលខ្ញុំ និង អូន ចំណាន បានសាងរួមគ្នាដោយទំនុកចិត្ត ការគោរពគ្នា ហើយក៏បង្ហាញនូវអនុស្សាវរីយ៍ដ៏មានតម្លៃ ដែលយើងទាំងពីរ និង គ្រួសារដ៏ល្អរបស់យើងបានសាងទ្បើង។
ចំណាន បងស្រលាញ់អូនលើសពីដៃគូជីវិតរបស់បង។ អូនជាអ្នកគាំទ្រឥតងាករេរបស់បង ជាអ្នកដែលបងជឿជាក់ និង ទុកចិត្តបំផុត។ អូនជាកម្លាំងចលករ ដែលមិនត្រឹមតែជំរុញទឹកចិត្ត និង បំផុសគំនិតល្អៗដល់បងប៉ុណ្ណោះទេ ប៉ុន្តែក៏ដល់កូនដ៏ល្អប្រពៃទាំងបួនរបស់យើងផងដែរ។ ប្រាជ្ញា ចិត្តមេត្តា ករុណា និង សេចក្តីស្រឡាញ់ឥតប្រែប្រួលរបស់អូន គឺជាសសរគ្រឹះរឹងមាំនៃផ្ទះរបស់យើង។
អូនបានបង្ហាញបងនូវអត្ថន័យនៃក្តីសេ្នហ៍ដ៏ជ្រាលជ្រៅ និង អត្ថន័យនៃជីវិតរស់នៅប្រកបដោយភាពរីករាយនៅក្នុងបច្ចុប្បន្នកាល តាមរយៈសំណើច បញ្ហាប្រឈមនានា និង ពេលវេលាស្ងប់ស្ងាត់ដែលយើងបានឆ្លងកាត់ជាមួយគ្នា។ អូនមិនត្រឹមតែជាបេះដូងនៃគ្រួសារយើងប៉ុណ្ណោះទេ ប៉ុន្តែក៏ជាមនុស្សសំខាន់បំផុត និង ជាអ្វីៗគ្រប់យ៉ាងដែលបងមាន។
បុណ្យនៃក្តីស្រទ្បាញ់ គឺគ្រាន់តែជាពេលវេលាមួយប៉ុណ្ណោះ ដែលប្រារព្ធធ្វើមួយថ្ងៃក្នុងមួយឆ្នាំម្តង ប៉ុន្តែក្តីស្នេហ៍របស់បងចំពោះអូន គឺមិនកំណត់ពេល និង គ្មានទីបញ្ចប់ឡើយ។ បង និង អូនរួមគ្នាសាងជីវិតមួយ ដែលពោរពេញទៅដោយប្រតិព័ទ្ធ សំណើច និង មានអត្ថន័យបំផុត។ បងមានមោទកភាព ដែលមានអូនជាភរិយារបស់បង ហើយបងបេតីអូនរៀងរាល់ថ្ងៃ មិនមែនតែក្នុងឱកាសទិវានៃក្តីស្រទ្បាញ់នេះទេ។
នៅពេលដែលបង និង អូនបន្តដំណើរជីវិតជាមួយគ្នា ដោយការចិញ្ចឹមបីបាច់កូនៗ និង កសាងក្តីសុបិនរបស់យើង បងដឹងច្បាស់ណាស់ថាបេះដូងរបស់បងជាកម្មសិទ្ធិរបស់អូន ទាំងនៅថ្ងៃនេះ និង ជារៀងរហូត។ រីករាយទិវានៃក្តីស្រទ្បាញ់ អូន ចំណាន!»៕
