បើកចំហហើយ! ម្ចាស់គណនី Tik Tok «ជំនាងផ្ទះ» និង អ្នកលក់អនឡាញល្បីម្នាក់កំពុងមានស្នេហាយ៉ាងផ្អែមល្ហែម

អ្នកលេងបណ្តាញសង្គម Tik Tok ជាច្រើន ធ្លាប់បានស្គាល់មកហើយ អ្នកផលិតមាតិកាបែបកំប្លែងៗនៅលើ Tik Tok ដែលមានគណនីឈ្មោះ «ជំនាងផ្ទះ»។

ក្នុងនោះ អ្នកផលិតមាតិកាបែបកំប្លែង ជំនាងផ្ទះ ក៏ទទួលបានការគាំទ្រ និង ចាប់អារម្មណ៍ខ្លាំងពីអ្នកលេងបណ្តាញសង្គម Tik Tok ខណៈសំឡេងរបស់លោក ត្រូវបានអ្នកលេង Tik Tok ផ្សេងទៀតយកទៅលេងបន្តជាហូរហែ។

ជាក់ស្តែង ក្រោយទទួលបានប្រជាប្រិយភាពលើបណ្តាញសង្គម Tik Tok គេក៏បានឃើញម្ចាស់គណនី ជំនាងផ្ទះ ដែលមានឈ្មោះពិតថា ម៉េងហួរ ក៏ទទួលបានការងារជាបន្តបន្ទាប់ ដើម្បីផ្សព្វផ្សាយផលិតផល។ លើសពីនោះ បើនិយាយពីជីវិតឯកជនវិញ ជំនាងផ្ទះ ក៏ត្រូវបានអ្នកគាំទ្រចាប់ក្រសែភ្នែកមើលច្រើនដែរ។

ថ្មីៗនេះ ជំនាងផ្ទះ បានធ្វើឱ្យអ្នកគាំទ្រលួចច្រណែន និង សរសើរដល់ទំនាក់ទំនងស្នេហារបស់លោក និង មិត្តប្រុសដែលគេស្គាល់ជាអ្នកលក់អនឡាញដ៏ល្បី Tos Tenh ដោយគេបានឃើញ ម្ចាស់គណនី Tik Tok ល្បីរូបនេះ បានបង្ហោះរូបជាមួយគូស្នេហ៍ និង ចិញ្ចៀនបញ្ចាំចិត្តអមនឹងសារដ៏មានន័យថា៖ «ជួបអ្នក ដែលស្រលាញ់យើងជាយើង ទទួលយកគា្នទៅវិញទៅមក មានភាពស្មោះត្រង់នឹងគ្នា យល់ពីគ្នា ប៉ុណ្ណឹងគ្រប់គ្រាន់ហើយ ហេង ហួរ»៕