បុរសម្នាក់ចង់សាកល្បងខ្លួនឯង ញ៉ាំពងមាន់ពងទាឆៅមួយថ្ងៃ ៣០ គ្រាប់ រយៈពេល ១ ខែ លទ្ធផលចុងក្រោយស្មានមិនដល់

ថ្មីៗនេះ Youtuber ម្នាក់ឈ្មោះ Joseph Everett បានធ្វើការ Challenge ខ្លួនឯងដោយការបរិភោគពងមាន់ពងទាចំនួន ៣០ គ្រាប់ក្នុងមួយថ្ងៃ អស់រយៈពេល ១ ខែ ដើម្បីចង់ដឹងពីការប្រែ​ប្រួលរបស់រាងកាយ។

តាមព័ត៌មានបានឱ្យដឹងថា Joseph បានទទួលទានអាហារជាផ្សេងៗទៀតជាធម្មតា ដែលមានដូចជាសាច់គោ ផ្លែឈើ បាយ និង ប្រូតេអ៊ីន ជាដើម ហើយបានបន្ថែមពងមាន់ពងទាចំនួន ៣០ គ្រាប់ទៀតក្នុងមួយថ្ងៃ ដោយជាការបរិភោគបែបឆៅៗ។

ក្នុងរយៈពេល ១ ខែ Joseph បានឱ្យដឹងថា សាច់ដុំរបស់គេបានកើនឡើង ៦ គីឡូក្រាម ខ្លាញ់ Triglycerides ថយចុះ កូលេស្តេរ៉ូលល្អកើនឡើង ប៉ុន្តែកូលេស្តេរ៉ូលមិនល្អក៏មិនបានថយចុះ។ ក្នុងនោះ កម្លាំងក៏កើនជាងមុន ដោយលើកទម្ងន់បាន ២០ គីឡូ ច្រើនជាងមុនពេលបរិភោគ ។

យ៉ាងណាមិញ ចំពោះបញ្ហាសុខភាព Joseph គេបានឱ្យដឹងថា នៅថ្ងៃទី ២០ គេបានកើតអាការឈឺពោះ និង ទល់លាមកយ៉ាងធ្ងន់ធ្ងរ ដែលនេះបណ្តាលមកពីសារធាតុម្យ៉ាងនៅក្នុងស៊ុតឆៅ។ ក៏បានប្តូរមកបរិភោគបែបឆ្អិនវិញ ហើយក៏ឃើញថាអាការសុខភាពល្អជាងមុន។ ដោយឡែក Joseph បានណែនាំថា បើសិនជាចង់ធ្វើ Challenge នេះ គួរតែពិចារណាឱ្យបានល្អិតល្អន់៕

ប្រភព៖ Khaosod