ថ្មីៗនេះ ករណីបុរសម្នាក់ដែលបានកើតជំងឺមហារីកសួត ទាំងដែលមិនជក់បារីផឹកស្រាសោះ តែគ្រូពេទ្យបានឱ្យដឹងថាមកពីប្រពន្ធរអ៊ូច្រើនពេក រហូតដល់ប្តីស្រ្តេស ទើបកើតទៅជាជំងឺកាចសាហាវបែបនេះ។
តាមព័ត៌មានបានឱ្យដឹងថា បុរសខាងលើមានវ័យ ៥៥ ឆ្នាំ មកពីទីក្រុង Zhengzhou ខេត្ត Henan ប្រទេសចិន។ បុរសនេះជាមនុស្សស្រឡាញ់សុខភាព តែងហាត់ប្រាណជាប្រចាំ និង មិនជក់បារី ឬផឹកស្រាឡើយ តែថ្ងៃមួយស្រាប់តែពិនិត្យឃើញថាខ្លួនកើតជំងឺមហារីក ទាំងដែលកន្លងមកខំថែទាំសុខភាពយ៉ាងដិតដល់។
យ៉ាងណាមិញ ខាងគ្រូពេទ្យបានឱ្យដឹងថា មូលហេតុនៃជំងឺរបស់បុរសរូបនេះ មិនបានបណ្តាលមកពីខ្លួនលោកនោះទេ។ ទោះបីលោកជាមនុស្សស្រឡាញ់សុខភាព តែបុរសនេះរស់នៅក្នុងបរិស្ថានក្នុងផ្ទះដែលស្រ្តេស និង មានសម្ពាធជាប្រចាំ។ បុរសនេះមានប្រពន្ធដែលតែងតែរអ៊ូរទាំ និង ស្តីឱ្យជានិច្ច ធ្វើឱ្យកើតទៅជាភាពតានតឹងផ្លូវចិត្តរ៉ាំរ៉ៃ បង្កឱ្យប៉ះពាល់ដល់ប្រព័ន្ធភាពស៊ាំរបស់រាងកាយ ដែលធ្វើឱ្យប្រសិទ្ធភាពនៃប្រព័ន្ធភាពស៊ាំក្នុងការចាប់រកកោសិកាមហារីកចុះខ្សោយ នាំឱ្យមានការវិវត្តន៍ជំងឺមហារីកក្នុងរាងកាយកាន់តែលឿន៕
ប្រភព៖ Sanook
