ថ្មីៗនេះ មានការផ្ទុះចែកចាយរឿងរ៉ាវមួយនៅឯប្រទេសឥណ្ឌូនេស៊ី ដោយមានបុរសម្នាក់បានដឹងថាប្រពន្ធរបស់ខ្លួនលួចមានសហាយស្មន់ តែបែរជាសុខចិត្តលើកនាងឱ្យគេ ដោយដូរជាមួយនឹងគោមួយក្បាល។
តាមព័ត៌មានបានឱ្យដឹងថា រឿងរ៉ាវនេះបានកើតឡើងនៅភូមិ Puudombi ស្រុក Konave ប្រទេសឥណ្ឌូនេស៊ី ដោយបុរសជាប្តីបានចាប់បានប្រពន្ធខ្លួនលួចមានសហាយ តែមិនខឹងមិនស្តីអ្វីឡើយ សុខចិត្តប្រគល់នាងឱ្យទៅគេតាមរយៈពីធិសាសនាមួយហៅថា Mowea Sarapu ឬ Mosehe តាមទំនៀមទម្លាប់ជនជាតិ Tolaki ដែលជាពិធីដោះស្រាយជម្លោះអាពាហ៍ពិពាហ៍ដែលបណ្តាលមកពីការក្បត់ចិត្ត។
ពិធីនេះតម្រូវឱ្យអ្នកទាំង ៣ ដែលមានប្តី ប្រពន្ធ និង សហាយនោះ មកខមាទោសគ្នា និង អហោសកម្មឱ្យគ្នាដោយសន្តិវិធី ហើយខាងប្តីត្រូវដោះលែងប្រពន្ធ និង ប្រគល់ឱ្យអ្នកថ្មីដោយចេញពីចិត្ត រីឯសហាយត្រូវធ្វើតាមពាក្យសន្យាដែលនិយាយគ្នាហើយ ព្រមទាំងប្រគល់សត្វគោមួយក្បាលទៅឱ្យខាងប្តី និង លុយសុទ្ធប្រមាណ ៣០០ ដុល្លារ។ យ៉ាងណាមិញ បុរសជាប្តីបានហាស្តីប្រគល់ប្រពន្ធឱ្យទៅគេទាំងទឹកភ្នែក ដោយសង្ឃឹមថាអ្នកថ្មីនឹងមើលថែប្រពន្ធបានល្អ៕
សូមចុចទីនេះដើម្បីទស្សនាវីដេអូ៖
