ជាការពិតណាស់ បើទោះជាមិនងាកមកឈរជើងលើវិថីសិល្បៈវិញក៏ពិតមែន ប៉ុន្តែអតីតពិធីករមានប្រជាប្រិយភាព វីជេ រតនា នៅតែទទួលបានការចាប់អារម្មណ៍ដូចដើមពីសំណាក់អ្នកគាំទ្រ ខណៈលោកកំពុងទទួលបានភាពជោគជ័យក្នុងមុខជំនួញមួយចំនួន។
លើសពីនោះ ក្រឡេកទៅមើលជីវិតគ្រួសារក៏ដូចគ្នាដែរ ក្រោយ វីជេ រតនា បានចាប់ដៃរៀបការសាងគ្រួសារនឹងអតីត Freshie Girl អ្នកនាង លឹម លីហ្សា ហើយនោះ ជីវិតគូរបស់អតីតអ្នកសិល្បៈមួយគូនេះ កាន់តែស្រស់បំព្រងរហូតមានអ្នកគាំទ្រលួចសរសើរនឹងជីវិតពោរពេញដោយសុភមង្គលរបស់ VJ រតនា និង ភរិយាផងដែរ។
ដោយឡែក ងាកមករឿងកូនៗឯណោះ ក្រោយទទួលបានចំណងដៃកូនប្រុសដល់ទៅ ៣ នាក់ និង រង់ចាំអស់ជាច្រើនខែ ក្រោយភរិយាពពោះកូនស្រីពៅនោះ នៅព្រឹកថ្ងៃទី ១១ ខែវិច្ឆិកា ឆ្នាំ ២០២៥ នេះ វីជេ រតនា និង ភរិយាបានឃើញមុខកូនស្រីពៅបណ្តូលចិត្តហើយ ដោយនាងតូចត្រូវបានប៉ាម៉ាក់ដាក់ឈ្មោះយ៉ាងពីរោះថា ធី អ៊ែលលី សិទ្ធីកា ហៅកាត់ អ៊ែលលី។
ក្នុងនោះ ព្រឹកថ្ងៃល្អ ក្នុងការទទួលស្វាគមន៍កូនស្រីពៅ VJ រតនា បានសម្រក់ទឹកភ្នែករលីងរលោងទាំងរំភើប ក្នុងថ្ងៃស្វាគមន៍កូនស្រីមកកាន់ពិភពលោកទៀតផង៕
សូមចុចទីនេះ ដើម្បីទស្សនាវីដេអូ៖
