អ្នកគាំទ្រនិយមស្តាប់បទចម្រៀងរបស់កញ្ញា យូរី កន្លងមក រួមមានបទ «ចាក់ទឹកដូង» និង បទ «រាំទយ» និង បទចម្រៀងជាច្រើន ច្បាស់ជាបានដឹងហើយថា នៅពីក្រោយបទចម្រៀងល្បីៗទាំងអស់នោះ គឺជាការផលិតរបស់លោក Bmo Trapz។
ក្នុងនោះ លោក Bmo Trapz មិនត្រឹមតែជាផលិតករផ្នែកតន្ត្រីនោះទេ តែលោកក៏ជាតារាចម្រៀងមួយរូបមានប្រជាប្រិយភាពដូចគ្នាដែរ ក្នុងស្រទាប់យុវវវ័យ។ យ៉ាងណាមិញ មួយរយៈមុនលោកហាក់ស្ងប់ស្ងាត់លើវិថីសិល្បៈមិនសូវបានបង្ហាញស្នាដៃផ្សេងៗ ដើម្បីប្រជ្រៀតចូលទីផ្សារដូចកាលពីពេលកន្លងទៅនោះឡើយ។
ក្រោយបាត់មុខលើវិថីសិល្បៈមួយរយៈធំហើយនោះ ថ្មីៗកន្លងទៅនេះ លោក Bmo Trapz ក៏បានវិលត្រឡប់មកជាថ្មីហើយ ដោយលោកបានឱ្យដឹងថា ការបាត់មុខរបស់លោកនេះ លោកមិនបានបាត់ទៅណាទេ ពោលគឺលោកសំងំរៀនលើការធ្វើភ្លេងបន្ថែមទៀត ដើម្បីទទួលបានបទពិសោធថ្មី។
ជាងនេះទៅទៀត អ្វីដែលជាចំណុចគួរឱ្យចាប់អារម្មណ៍នៃការប្រឡូកលើវិស័យសិល្បៈជាថ្មីនេះដែរ លោក Bmo Trapz បានផ្លាស់ប្តូរឈ្មោះពី Bmo Trapz ទៅជា Asura Aze ដូច្នេះអ្នកគាំទ្រ អាចហៅលោកថា Asura ឬ Aze៕
