បាត់មុខលើសិល្បៈយូរ!​ K-Ice ប្អូនប្រុសបង្កើតរបស់លោក ហ្សូណូ បង្ហាញមុខមនុស្សពិសេសដ៏ស្រស់សោភា សមគ្នាណាស់

បើរំឭកទៅដល់ ប្អូនប្រុសបង្កើតរបស់តារាចម្រៀង ហ្សូណូ គឺ លោក K-Ice អាចនឹងមានអ្នកគាំទ្រជាច្រើន កំពុងមានក្តីនឹករឭកដល់តារាចម្រៀងប្រុសរូបនេះជាក់ជាមិនខាន។

គេចាំបានថា លោក K-Ice ប្អូនប្រុសបង្កើតរបស់លោក ហ្សូណូ គឺជាតារាចម្រៀងប្រចាំផលិតកម្ម Pleng Record ដោយកាលនោះ បទចម្រៀងរបស់លោកមានការគាំទ្រយ៉ាងខ្លាំង តែយ៉ាងណាក៏ដោយ ក្រោយផលិតកម្មខាងលើបានរំសាយ លោក K-Ice ក៏បានបាត់មុខលើវិថីសិល្បៈដូចគ្នា។ ក្នុងនោះ គឺលោកបានបំពេញតួនាទីយ៉ាងមមាញឹកក្នុងការគ្រប់គ្រងហាងសម្លៀកបំពាក់របស់បងប្រុសលោក គឺហាងលក់សម្លៀកបំពាក់ Zono។

ជាការពិត បើទោះជាបាត់មុខលើសិល្បៈក៏ពិតមែន តែលោក K-Ice ក៏នៅតែមានសកម្មភាពនៅលើបណ្តាញសង្គមនានា ជាមួយអ្នកគាំទ្រជានិច្ច ដោយលោកតែងតែបង្ហាញពីបច្ចុប្បន្នភាពរបស់លោកផងដែរ។

ជាក់ស្តែង ថ្មីៗនេះ អ្នកគាំទ្រមានការចាប់អារម្មណ៍ពីជីវិតស្នេហារបស់លោក ដោយស្ងាត់ៗលោក K-Ice បានបង្ហាញរូបភាពផ្អែមល្ហែមជាមួយនឹងគូស្នេហ៍នៅលើគណនីហ្វេសប៊ុកផ្ទាល់របស់លោក ជូនពរថ្ងៃកំណើតនាង។ ក្នុងនោះ អ្នកគាំទ្រក៏បានចូលទៅបញ្ចេញមតិជូនពរ និង សរសើរថាគូស្នេហ៍របស់លោក K-Ice ពិតជាស្រស់ស្អាតស័ក្តិសមនឹងគ្នាណាស់៕