បាតុភូតដ៏កម្រប្រចាំឆ្នាំ ២០២៥ កាន់តែខិតចូលមកដល់ហើយ ដែលជាបាតុភូតចន្ទគ្រាសទាំងមូល អាចនឹងកើតឡើងនៅថ្ងៃទី ៧ ខែកញ្ញា ឆ្នាំ ២០២៥ ខាងមុខនេះ ធ្វើឱ្យមហាជនជាច្រើននាំគ្នារង់ចាំទស្សនា។
បាតុភូតខាងលើនេះ ត្រូវបានគេហៅថា Blood Moon គឺជាបាតុភូតចន្ទគ្រាសទាំងមូល ដែលធ្វើឱ្យព្រះចន្ទមានពណ៌ក្រហមឆ្អិនឆ្អៅ និងមានទំហំធំខុសពីធម្មតា។ តាមព័ត៌មានបានឱ្យដឹងថា បាតុភូតនេះនឹងមានរយៈពេល ៨២ នាទី ចាប់ពីម៉ោង ១១ យប់ ថ្ងៃទី ៧ ខែកញ្ញា រហូតដល់ម៉ោង ១២ និង ២២ នាទី ថ្ងៃទី ៨ ខែកញ្ញា ឆ្នាំ ២០២៥។
យ៉ាងណាមិញ មានតែប្រទេសឥណ្ឌា ចិន រស្ស៊ី អូស្រ្តាលីភាគខាងលិច អាហ្រ្វិក និង តំបន់អាស៊ីកណ្តាលប៉ុណ្ណោះ ដែលនឹងអាចមើលបាតុភូតនេះបានយ៉ាងពេញលេញ៕
ប្រភព៖ TOI
