ស្រ្តីជាប្រពន្ធម្នាក់ បានរៀបចំពិធីខួបកំណើតឱ្យប្តី តែមិននឹកស្មានថាក្លាយជាពិធីលក់មុខខ្លួនឯង ក្រោយពីប្តីឆ្លៀត Surprise ឱ្យកាដូវិញ ដោយការទម្លាយរឿងនាងលួចមានសហាយ បង្កឱ្យមានការហួសចិត្តពេញកម្មវិធី។
តាមព័ត៌មានបានឱ្យដឹងថា បុរសជាប្តីមានវ័យ ៤០ ឆ្នាំ ជាអ្នកពន្លត់ភ្លើងមួយរូបនៅរដ្ឋ New Jersey សហរដ្ឋអាមេរិក ចំណែកស្រ្តីជាប្រពន្ធមានវ័យ ៣៣ ឆ្នាំ ហើយទាំងគូមានកូន ២ នាក់ជាចំណងដៃ។ ស្រ្តីជាប្រពន្ធបានរៀបចំពិធីខួបកំណើតគម្រប់ ៤០ ឆ្នាំឱ្យប្តី កាលពីថ្ងៃដើមខែឧសភា ឆ្នាំ ២០២៥ កន្លងទៅនេះ តែនៅក្នុងពិធីស្រាប់តែប្តីប្រាប់នាងនៅលើឆាកថា គេមានកាដូពិសេសម្រាប់នាង។ អ្វីដែលហួសចិត្តនោះ គឺប្តីលួងលោមឱ្យនាងដោះចិញ្ចៀនរៀបការចេញ ហើយក៏ទម្លាយថាគេដឹងថានាងលួចមានសហាយ គេពិតជាស្អប់នាង ស្អប់គ្រប់យ៉ាងដែលនាងធ្វើទៅលើកូនៗ។
យ៉ាងណាមិញ ស្រ្តីជាប្រពន្ធបានត្រឹមតែខ្មាសគេ ហើយក៏ដើរគេចចេញទៅបាត់ ទុកឱ្យភ្ញៀវទាំងឡាយនាំគ្នាហួសចិត្តមិននឹកស្មាន។ ដោយឡែក ចុងក្រោយបុរសជាប្តីបានប្តឹងស្រ្តីជាប្រពន្ធរួចរាល់ហើយ រង់ចាំតែការកាត់ក្តី ពួកគេនឹងដាច់ស្រេចគ្នាទៅតាមផ្លូវច្បាប់៕
ប្រភព៖ Kapook
