បវរកញ្ញាភេទទីបីកម្ពុជា ៣ រូប បង្ហាញចំណងស្នេហ៍ជាមួយបុរសសុទ្ធតែសង្ហាៗ តៀមសាងជីវិតគ្រួសារនឹងគ្នា

បើនិយាយពីបវរកញ្ញាភេទទី ៣ កម្ពុជាប៉ុន្មានជំនាន់ ប៉ុន្មានឆ្នាំចុងក្រោយនេះ ក្រៅពីទទួលបានការចាប់អារម្មណ៍តាមដានពីសកម្មភាពផ្សេងៗក្នុងវិស័យបវរកញ្ញា ពួកគេក៏ធ្វើឱ្យមហាជនអ្នកគាំទ្រចូលចិត្តតាមដានចង់ដឹងពីជីវិតឯកជនផងដែរ ជាពិសេសរឿងរ៉ាវស្នេហា។

ជាក់ស្ដែង ក្រឡេកមើលបវរកញ្ញាភេទទី ៣ ចំនួន ៣ រូប កំពុងទទួលបានការចាប់អារម្មណ៍ខ្លាំងពីមហាជនជាមួយរឿងរ៉ាវស្នេហាដ៏ផ្អែមល្ហែមរបស់ពួកគេ ដែលបានបើកបង្ហាញម្ចាស់បេះដូងសុទ្ធសឹងតែសង្ហាៗ ត្រៀមចាប់ដៃគ្នាជាគូជីវិតយ៉ាងមានក្ដីសុខផងដែរ។ បវរកញ្ញាភេទទី ៣ ទាំង ៣ ជំនាន់នោះរួមមាន៖

១. កញ្ញា សៃ ហ្វុន

ចំពោះរឿងរ៉ាវស្នេហារបស់ម្ចាស់តំណែង Miss Queen Cambodia 2021 រូបនេះ ត្រូវបានគេដឹងថា នាងបានសាងចំណងស្នេហ៍ជាមួយគូស្នេហ៍រូបសង្ហារយៈពេលប្រមាណជាង ៨ ឆ្នាំមកហើយ និង សម្រេចចិត្តបង្ហាញស្នេហាដ៏ផ្អែមល្ហែមជាសាធារណៈកាលពីអំឡុងឆ្នាំ ២០២២ កន្លងទៅ។ មកដល់ពេលនេះ កញ្ញា សៃហ្វុន និង គូស្នេហ៍ ក៏បន្តបង្ហាញជីវិតគូដ៏ផ្អែមល្ហែម និង មើលចិត្តគ្នា ត្រៀមសាងគ្រួសារជាមួយគ្នាផងដែរ។

២. កញ្ញា ផេនខេក

ចំពោះបវរកញ្ញាភេទទី ៣ ម្ចាស់តំណែង Miss Queen Cambodia 2024 រូបនេះ ថ្មីៗកន្លងទៅ ក៏បានធ្វើឱ្យមហាជនអ្នកគាំទ្រចាប់អារម្មណ៍ជាថ្មីជុំវិញរឿងរ៉ាវស្នេហារបស់នាង ខណៈឃើញនាងបង្ហាញសកម្មភាពជាមួយអ្នកស្អំបេះដូងថ្មី ដោយអ្នកទាំងពីរបានដឹកដៃគ្នាថតឈុតកូនក្រមុំកូនកំលោះ និង បង្ហាញចិញ្ចៀនរៀបការ ដែលជាដំណឹងល្អកំពុងត្រៀមរៀបចំថ្ងៃមង្គលឆាប់ៗ។

៣. កញ្ញា នៀន នៀន

រីឯបវរកញ្ញាភេទទី ៣ នៀន នៀន ម្ចាស់តំណែង Grand Winner Miss Queen Cambodia 2024 & 2025 មួយរយៈថ្មីនេះ ក៏ត្រូវបានមហាជនចាប់អារម្មណ៍លើជីវិតស្នេហារបស់នាងខ្លាំងដែរ ក្រោយពីបង្ហាញចំណងស្នេហ៍ដ៏ផ្អែមល្ហែមជាមួយបុរសរូបសង្ហាម្នាក់ និង បានដឹកដៃគ្នាថតឈុត Pre-Wedding ទាំងក្នុង និង ក្រៅប្រទេស ត្រៀមសាងជីវិតគ្រួសារនឹងគ្នាឆាប់ៗផងដែរ៕