នៅរសៀលថ្ងៃទី ២៧ ខែសីហា ឆ្នាំ ២០២៥ នេះ ក្រសួងអប់រំយុវជន និង កីឡា បានចេញសេចក្ដីណែនាំ ស្ដីពីការហាមឃាត់ការបង្ហោះប្រធានវិញ្ញាសាក្នុងដំណើការសំណេរ សម្រាប់ការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ២៨ សីហា ២០២៥។
ក្នុងនោះ ក្រសួងបានបញ្ជាក់ឱ្យបានដឹងថា ដើម្បីធានាបាននូវគោលការណ៍ច្បាប់ យុត្តិធម៌ តម្លាភាព និង លទ្ធផលទទួលយកបាន និង ចៀសវាងការដាក់ និង ទទួលទណ្ឌកម្មនានា ចំពោះបេក្ខជន អនុរក្ស គណៈមេប្រយោគ និង គណៈកម្មការនានា ព្រមទាំងសាធារណជន ក្នុងអំឡុងពេលដំណើរការសំណេរនៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ២៨ សីហា ២០២៥ ក្រសួងអប់រំ យុវជន និងកីឡា សូមធ្វើការណែនាំដល់បេក្ខជន អនុរក្ស គណៈមេប្រយោគ ប្រធានមណ្ឌលប្រឡង និងគណៈកម្មការនានា ដូចខាងក្រោម៖
– មិនត្រូវសរសេរ ឬ ថតចម្លងប្រធានវិញ្ញាសានៃការប្រឡងសញ្ញាបត្រមធ្យមសិក្សាទុតិយភូមិ តាមគ្រប់រូបភាព ដើម្បីបង្ហោះចែកចាយនៅតាមបណ្តាញសង្គមនានា
– ការបង្ហោះប្រធានវិញ្ញាសារលើបណ្តាញសង្គមនានា ជាអំពើហាមឃាត់៕
សូមអានសេចក្ដីលម្អិតនៅខាងក្រោម ៖
