ក្នុងមហាព្រឹត្តការណ៍ប្រគំតន្ត្រីលំដាប់ពិភពលោក Ganzberg Super Idol – I Am The Best កាលពីថ្ងៃទី ៥ ខែកក្កដា ឆ្នាំ ២០២៥ កន្លងទៅ មហាជនអ្នកគាំទ្រកម្ពុជាដែលបានទស្សនាផ្ទាល់ និង លើបណ្ដាញសង្គម មិនត្រឹមចាប់អារម្មណ៍ចំពោះវត្តមានរបស់កំពូលតារា K-pop នោះទេ អ្នកគាំទ្រក៏រំភើបចំពោះការបង្ហាញវត្តមានរបស់កំពូលតារាចម្រៀងរ៉េបលោក ជី ដេវីត ក្នុងនាមជាតារាកិត្តិយសផងដែរ។
ចំពោះវត្តមានរបស់កំពូលតារាចម្រៀងរ៉េប ជី ដេវីត ឡើងច្រៀងលើឆាកប្រគំតន្ត្រីលំដាប់ពិភពលោកនេះ ត្រូវបានបណ្ដាអ្នកគាំទ្រជាច្រើនផ្ទុះបង្ហោះចែករំលែក និង សរសើរខ្លាំងពីភាពស្រស់សង្ហារបស់លោក ដែលបានតុបតែងខ្លួនក្នុងឈុតពណ៌ក្រហមលាយខ្មៅ រំលេចដោយគ្រឿងអលង្ការពេជ្រដ៏ប្រណីតស្អាត ជះសម្រស់សង្ហាមិនធម្មតាលើឆាកដ៏អស្ចារ្យនេះ។
បើចាប់អារម្មណ៍លើគ្រឿងពេជ្រដ៏ប្រណីតដែលលោក ជី ដេវីត ពាក់លើដងខ្លួនឡើងច្រៀងលើឆាកតន្រ្តីនេះដែរ មាន ខ្សែដៃ កន្លាស់អាវ ខ្សែក និង បន្ដោង ដោយតាមរយៈការពិនិត្យតម្លៃពីហាងពេជ្រផ្ទាល់បានឱ្យដឹងថា មានតម្លៃសរុបប្រមាណ ១៦១,៤០០ ដុល្លារឯណោះ៕
