ថ្មីៗនេះ មហាជនអ្នកគាំទ្រវិស័យបវរកញ្ញាកំពុងតែអបអរសាទរក្នុងការរកឃើញស្ត្រីខ្លាំង ក្លាយទៅជាម្ចាស់មកុដ Miss Universe Cambodia 2025 គឺអ្នកនាង ថៃ នារីសុជាតា ដែលនឹងត្រូវទៅប្រកួតលើឆាកអន្តរជាតិតំណាងឱ្យកម្ពុជាក្នុងពេលឆាប់ៗខាងមុខនេះ។
ដោយឡែកងាកត្រឡប់ទៅកាន់ម្ចាស់មកុដ MUC 2020 អ្នកនាង រ៉េត សារីតា និង MUC 2024 អ្នកនាង ប្រាសាទ ដាវីន ឯណោះវិញ ថ្មីៗនេះ ក៏ត្រូវបានមហាជនបានលើកយកនូវរឿងរ៉ាវឯកជនខ្លះៗរបស់ Queen ទាំង ២ មកនិយាយក្នុងបណ្តាញសង្គមនានាដែរ ពាក់ព័ន្ធនឹងប្អូនស្រីបង្កើតរបស់ម្ចាស់មកុដ MUC ទាំង ២ ជំនាន់ខាងលើ។ ក្នុងនោះដែរ ប្អូនស្រីបង្កើតរបស់ម្ចាស់មកុដ MUC 2020 អ្នកនាង រ៉េត សារីតា និង MUC 2024 អ្នកនាង ប្រាសាទ ដាវីន គាប់ជួនសុទ្ធសឹងតែជា Top 10 ក្នុងការប្រកួត MUC ដូចគ្នា។
១. កញ្ញា រ៉េត ស្រីនាថ ប្អូនស្រីបង្កើត អ្នកនាង រ៉េត សារីតា
ដូចមហាជនបានជ្រាបមកហើយ ថ្មីៗនេះ ក្រោយពីបានបោះជំហានចូលប្រកួតក្នុងកម្មវិធី Miss Universe Cambodia 2025 បវរកញ្ញា រ៉េត ស្រីនាថ បានក្តោបបានតំណែង Top 10។ ក្នុងនោះដែរ បើទោះជាមិនអាចឈានដល់ Top កំពូលបានក៏ពិតមែន ប៉ុន្តែ កញ្ញា រ៉េត ស្រីនាថ ក៏ជាបវរកញ្ញា ដែលមានតំណែង Miss Cosmo World Cambodia 2023។
២. កញ្ញា ប្រាសាទ ដាវិ ប្អូនស្រីបង្កើត អ្នកនាង ប្រាសាទ ដាវីន
កញ្ញា ប្រាសាទ ដាវិ ប្អូនស្រីបង្កើតរបស់អ្នកនាង ប្រាសាទ ដាវីន បច្ចុប្បន្ន បើទោះជាមិនបានបង្ហាញវត្តមានជាសាធារណៈដូចមុន ក្រោយកញ្ញាជួបគ្រោះថ្នាក់ចរាចរណ៍អំឡុងឆ្នាំ ២០២១ ហើយ ប៉ុន្តែបវរកញ្ញាឆ្នើមរូបនេះ ក៏នៅតែទទួលបានការនឹករឭកពីសំណាក់អ្នកគាំទ្រ។ គេចាំបានថា កញ្ញា ប្រាសាទ ដាវិ ប្អូនស្រីបង្កើតម្ចាស់មកុដ MUC 2024 បានចូលរួមប្រកួត MUC 2020 ដោយទទួលបានតំណែង Top 10៕
